Prunus webbii
| Prunus webbii | |
|---|---|
| Научна класификација [ у ] | |
| Непознат таксон (попр): | Amygdaleae |
| Род: | Prunus |
| Вид: | Prunus webbii |
| Научен назив | |
| Prunus webbii (Spach) Fritsch | |
| Синоними | |
| |
Prunus webbii е вид на слива кој расте околу Средоземното Море, од Иберискиот Полуостров преку Сицилија, Грција, Крит и Егејските Острови, Балканот и Анадолија, а можеби и до Ирак или Иран. Исто така, се среќава во одредени области на Северна Африка. Густа бодликава грмушка или мало дрво со екстремно горчливи семиња, се смета дека придонела со некои гени за припитомениот бадем Prunus dulcis, иако сè уште не е целосно разбранo во колкава мера.[1]
Опис
[уреди | уреди извор]Најчесто се среќава како повеќестеблена грмушка, а поретко како ниско дрво до 5 м висина. Голо растение со многубројни боцливи кафеави гранчиња. Листовите тесно-ланцетни, 3,5-5 цм долги, 8-12 мм широки, зелени, на долната страна малку посветли, на врвот заострени, во основата клиновидни, плитко и ситно назабени, со жлезди на врвот на запците кои се насочени во правец на врвот на листот. Лисните дршки олучести, 8-12 мм долги, тенки. Прилисниците рано отпаѓаат, линејно-ланцетни, на врвот постепено се стеснуваат во долг и тенок врв, светлокафеави со кремов врв, а во основата по работ со густи долги жлезди кои кон врвот се поретки. Цветовите поединечни или по 2-3 заедно по кусите странични гранчиња. Цветовите приседнати или со куси дршки, во чија основа има по неколку голи кафеави лушпи со влакна на врвот. Хипантиумот пехарест, црвеникав, гол, чашкините ливчиња тапи, црвени, 2,5 мм долги, на врвот со куси гргурави влакна. Венечните ливчиња до 10 мм долги, бледорозови или белузлави, обратно-јајцевидни. Прашниците 12-22 или повеќе. Плодникот влакнест. Плодот јајце- виден, 20-25 мм долг, странично сплескан, по површината густо влакнест. Мезокарпот кожест, а ендокарпот тврд. Плодот е тврда костелка.
Распространетост во Македонија
[уреди | уреди извор]Prunus webbii расте по каменливи места, брдски пасишта и клисури.
Познат за Велес и тоа клисурите на реките Тополка и Бабуна; Овче Поле покрај брегот на реката Брегалница; Кавадарци - клисурата на реката Раец; Дојран - с. Ѓопчели и с. Николиќ.[2]
Наводи
[уреди | уреди извор]- ↑ Fernández i Martí, Angel; Font i Forcada, Carolina; Kamali, Kazem; Rubio-Cabetas, María J.; Wirthensohn, Michelle; Socias i Company, Rafel (27 July 2014). „Molecular analyses of evolution and population structure in a worldwide almond [Prunus dulcis (Mill.) D.A. Webb syn. P. amygdalus Batsch] pool assessed by microsatellite markers“. Genetic Resources and Crop Evolution. 62 (2): 205–219. doi:10.1007/s10722-014-0146-x. Посетено на 15 September 2018.
- ↑ Мицевски, Кирил (2001). Флора на Република Македонија Том I, св. 4. Скопје: МАНУ. стр. 1028–1029.
|