Сплетки

Од Википедија — слободната енциклопедија
(Пренасочено од Only Fools and Horses)
Прејди на прегледникот Прејди на пребарувањето
Сплетки
250px
Лого
ЖанрСитком
Создадена одЏон Саливен
УлогиДејвид Џејсон
Николас Линдхерст
Ленард Пирс
Бастер Мерифилд
Роџер Лојд-Пак
Џон Чалис
Пол Барбер
Теса Пик-Џоунс
Гвинет Стронг
Патрик Мари
Земја на потеклоШаблон:Велика Британија
Првичен јазикАнглиски
Бр. на сезони7
Бр. на епизоди64
Продукција
Времетраење30-95 минути
Прикажување
Првична мрежаBBC 1
Првично прикажување15 септември, 1981 – 25 декември, 2003

Сплетки (англиски: Only Fools and Horses) е насловот на повеќегодишната и популарна британска телевизиска хумористична серија напишана од Џон Саливен, и емитувана на BBC. Седум сезони се емитувани помеѓу 1981 и 1991, а со повремени Божиќни специјални епизоди серијата трае до 2003.

Насловот на серијата е заснован на старата англиска поговорка "Only fools and horses work (for a living)" ("Само будалите и коњите работат за живот"), што е референца за избегнувањето на работата и данокот од страна на главните ликови. Насловната песна ја напишал и отпеал Џон Саливен. Во првата епизода е користена друга песна, но таа е заменета за да им се помогне на гледачите да го сфатат насловот на серијата.

Дејството е сместено во Пекам, Лондон. Главните улоги ги имаат Дејвид Џејсон како амбициозниот трговец Дерек "Дел Бој" Тротер, Николас Линдхерст како неговиот помлад брат Родни и Ленард Пирс како нивниот дедо во поодминати години (и подоцна Бастер Мерифилд како чичко Алберт). Во серијата има и повеќе одлични споредни улоги. Серијата го прикажува животот на браќата, со сите незгоди и успеси, особено нивните обиди да станат богати.

Серијата ја има накленоста како на јавноста, така и на критиката. Освоила повеќе награди, вклучувајќи признание од Британската академија, Национална телевизиска награда и Кралското телевизиско друштво, а истотака им помогнала на Саливен и Џејсон да освојат многубројни индивидуални признанија. На врвот на својата популарност, серијата имала 20 милиони гледачи само во Велика Британија. Избрана е за најдобра британска хумористична серија во една анкета на BBC во 2004. Исто така, имала влијание и на британската култура, придонесувајќи со неколку зборови во англискиот јазик и придонела во популаризацијата на комбето Reliant Regal. Повеќе производи произлегле од неа - книги, ДВД-а, играчки и друштвени игри. Наследникот на оваа серија е Зелената зелена трева (The Green Green Grass) и се емитува на BBC One.