Neopalpa donaldtrumpi
| Neopalpa donaldtrumpi | |
|---|---|
 |
|
| Возрасен мажјак | |
| Научна класификација | |
| Царство: | Животни |
| Колено: | Членконоги |
| Класа: | Инсекти |
| Ред: | Пеперуги |
| Семејство: | Кривопипки |
| Род: | Новопипки |
| Вид: | N. donaldtrumpi |
| Биномен назив | |
| Neopalpa donaldtrumpi Nazari, 2017 |
|
 |
|
| Распространетост на N. donaldtrumpi (жолти триаголници) | |
Neopalpa donaldtrumpi — вид молец од родот новопипки (Neopalpa) кој живее во Јужна Калифорнија и северно Мексико. Опишан е во 2017 г. од канадскиот научник Вазрик Назари[1], кој му го дал ова име бидејќи главата го потсетувала на косата на американскиот претседател Доналд Трамп.
Откривање[уреди | уреди извор]
Родот новопипки (Neopalpa), во кој спаѓа и видот Neopalpa neonata, е опишан како таков во 1998 г. од Далибор Поволни.[2] Речиси две децении подоцна, Назари го прегледувал материјалот и последователно собраните примероци изложени во Бохартовиот ентомолошки музеј,[3] сметајќи дека некои примероци укажуваат на досега неопишан вид. Новиот вид го нарекол Neopalpa donaldtrumpi поради бледожолтите перца на главата, кои го потсетувале на фризурата на Доналд Трамп.[4][5]
Опис[уреди | уреди извор]
Молецот е долг 7-11 мм, со распон на предните крилца од 6-9,2 мм. Горната површина на крилцата е обрабена со темнокафеаво и проретчени бледи пеги, додека грбот и телесните членки се портокалово-жолти до бледожолти. Жилестиот раб има две до три школкички. Крајчињата се темнокафеави, густо просеани со обледени делови. Задните крилца се бледожолти, без белези, и со малку потемен раб. Пипалата на главата се долги две третини од распонот на крилцата, а главата е покриена со жолто-бели лушпички, што е причината за името на видот.[4][5]
Највоочливите разлики меѓу N. donaldtrumpi и другиот вид во родот, N. neonata, се жолто-белите лушпички на главата, портокалово-жолтата боја на плеќниот дел, како и структурата на половите органи кај двата пола.[4]
Распространетост[уреди | уреди извор]
Иако сродната N. neonata се јавува ширум речиси цела Калифорнија, Долна Калифорнија и северозападно Мексико, N. donaldtrumpi засега е забележан само во северната половина на Долна Калифорнија и округот Риверсајд и Империјал во Јужна Калифорнија.[4]
Биологија[уреди | уреди извор]
Neopapla donaldtrumpi му припаѓа на семејството на кривопипките (Gelechiidae), чија одлика е вртењето во кругови кога се на листови.[6] Молецот е рамномерно застапен преку целата година, но не е познат неговиот животен век и растението-домаќин.[7] Живеалиштето му е загрозено со урбанизација.[8]
Поврзано[уреди | уреди извор]
Наводи[уреди | уреди извор]
- ↑ Samuelson, Kate. „Scientists Just Named a Tiny Moth After Donald Trump: The moth's official name is Neopalpa donaldtrumpi“, „Time Magazine“, 18 јануари 2017.
- ↑ Povolný, Dalibor (1998 г). Neopalpa gen. n. and Eurysaccoides gen. n. — two new genera of the tribe Gnorimoschemini from California, with the description of three new species (Lepidoptera, Gelechiidae). „Revista de Lepidopterología“ (Sociedad Hispano-Luso-Americana de Lepidopterología) том 26: 139–146.
- ↑ Fitch, Chris. „Meet the Trump moth“, Royal Geographical Society, 18 јануари 2017.
- ↑ 4,0 4,1 4,2 4,3 Nazari, Vazrick. Review of Neopalpa Povolný, 1998 with description of a new species from California and Baja California, Mexico (Lepidoptera, Gelechiidae). „ZooKeys“ том 646: 79. doi:.
- ↑ 5,0 5,1 "Neopalpa donaldtrumpi Motte trägt nun Namen von Donald Trump", Der Spiegel, конс. 18 јануари 2017 г
- ↑ Burdick, Alan (20 јануари 2017 г). The Metaphorical Meaning of a Moth Named after Trump. „The New Yorker“. http://www.newyorker.com/tech/elements/the-metaphorical-meaning-of-a-moth-named-after-trump. конс. 23 јануари 2017 г. „The genus belongs to a wider family, Gelechiidae, the twirler moths, so called for their habit of spinning in circles on the surface of leaves.“.
- ↑ „Research: Recently described moth named in honour of new U.S. president“, 20 јануари 2017.
- ↑ Raphael, John. „New Moth Species With Yellowish-White Scales, Small Genitals Named After Donald Trump“, 19 јануари 2017.
Надворешни врски[уреди | уреди извор]
 |
„Neopalpa donaldtrumpi“ на Ризницата ? |
Neopalpa donaldtrumpi на Викивидовите ?- Мал жолт молец именуван по Доналд Трамп — портал „Екологист“ (македонски)
