Ia Orana Maria
![]() | |
Творец | Пол Гоген |
---|---|
Година | 1891 |
Димензии | 114 см × 88 см |
Место | Метрополитен (музеј), New York |
![](http://upload.wikimedia.org/wikipedia/commons/thumb/0/0b/Gauguin_-_Sketch_Ia_Orana_Maria.jpg/220px-Gauguin_-_Sketch_Ia_Orana_Maria.jpg)
![](http://upload.wikimedia.org/wikipedia/commons/thumb/b/b3/Siddharta_Gautama_Borobudur.jpg/220px-Siddharta_Gautama_Borobudur.jpg)
Ia Orana Maria ( Аве Марија ) е слика, масло на платно од 1891 година на Пол Гоген, сега во Метрополитен (музеј).[1]
Тоа е едно од првите дела од неговиот период во Тахити. На сликата се претставени двајца Полинезијци (во средината) кои се поздравуваат со Богородица и Исус.
Со ова масло на платно, Гоген се навратил на верските теми прикажани во „Жолтиот Христос“, „Визија по проповедта“ и „Зелениот Христос“, кои биле создадени за време на неговиот престој во Бретања (регион во северозападна Франција).
Невообичаено е упатувањето на Гоген за агресивноста на западната култура во животот на Тахитјаните. Во своето дело, Гоген се занимавал со католичкиот приказ на Дева Марија и Исус Христос во сосема поинаква средина. Само ореолите ги разликуваат од двајцата побожни Тахитјани, зад кои може да се види ангел во растителноста.
Ова дело е малку поголемо од повеќето слики на Гоген со многу детали. Делото има религиозен карактер, но во многу нешта се разликува од традиционалните западни прикази на верските мотиви и со тоа во позиција на две побожни жени чиј став е преземен од фотографиите на будистичкиот храм во Боробудур (Јава). Уметничкото дело како краен резултат остава впечаток на спојување на Исток и Запад. Сликата е изложена во Метрополитен музејот.