Hypericum maculatum
| Hypericum maculatum | |
|---|---|
 | |
 | |
| Научна класификација [ у ] | |
| Царство: | Растенија |
| клад: | Скриеносеменици |
| клад: | Евдикоти |
| клад: | Розиди |
| Ред: | Малпигиовидни |
| Семејство: | Кантариони |
| Род: | Кантарион |
| Вид: | Hypericum maculatum |
| Научен назив | |
| Hypericum maculatum Crantz | |
Hypericum maculatum, — вид повеќегодишно тревесто растение кое припаѓа на родот Hypericum и семејството кантариони (Hypericaceae). Потекнува од Европа и Западна Азија, каде што расте на влажни ливади.
Опис и распространетост
[уреди | уреди извор]Hypericum maculatum е безвлакнесто растение кое расте до околу 60 см. Стебленцата се исправени или свиени во основата, неразгранети или разгранети горе, со кратки гранчиња во пазувите на листовите; четириаглести со тесни надолжни крила, кои кај некои примероци се послабо развиени, а ретко недостасуваат. Листовите се приседнати, долги 15-30 мм, јајцевидни до елиптични, основата заоблена, врвот тап, целосно цели; горната страна е темнозелена, долната светлосивкасто-зелена со испакнати жили; рабовите со ретки црни точкести жлезди, а површината со малку црни и многу прозрачни точкести жлезди. Цветовите се собрани во ретки едноставни или сложени гроздовидни соцветија. Чашкините ливчиња се широко-елиптични до долгнавести, врвот е заоблен, понекогаш малку заострен; површината има многу точкести или издолжени жолтеникаво-портокалови жлезди, а понекогаш и по некоја црна жлезда. Венечните ливчиња се околу 10 мм долги, јајцевидни, жолти, со многу црни точкести и кратки линејни жлезди, а покрај нив и долги светли линејни жлезди или само такви светли жлезди. Прашниците се една третина пократки од венечните ливчиња или еднакви со нив. Плодната кутијка е околу 9 мм долга, со долги тенки линејни паралелни смолни канали. Семките се цилиндрични, долги околу 0,8 мм, светло до темнокафеави, со ситни мрежести вдлабнатини.[1]
Се среќава на планински пасишта и ливади, меѓу грмушеста вегетација, шумски полјани, покрај шуми и шумски патишта до 2.200 метри надморска височина.[1]
Варијабилност
[уреди | уреди извор]- Hypericum maculatum subsp. maculatum - Чашкините и венечните ливчиња имаат густи црни и топчести линејни жлезди. Растението се среќава само на планината Осогово - Царев Врв.[1]
- Hypericum maculatum subsp. immaculatum - Чашкините и венечните ливчиња немаат густи црни и топчести линејни жлезди. Растението се среќава на Скопска Црна Гора, Шар Планина - Попова Шапка и Церипашина, Кораб - Кобилино Поле, Бистра, Осогово и Дудица.[1]
Употреба
[уреди | уреди извор]Се смета за лековито растение.[2] Hypericum maculatum се користи во традиционалната австриска медицина како екстракт од чај или масло (внатрешно), а надворешно како маслен екстракт, маст или ладна мацерација во етанол за третман на кожни заболувања, заболувања на локомоторниот систем, нервниот систем, гастроинтестиналниот тракт, респираторниот тракт, бубрезите и уринарниот тракт, кардиоваскуларниот систем, инфекции, ревматизам и гихт.
Галерија
[уреди | уреди извор]
Хербариумски примерок на Hypericum maculatum subsp. immaculatum
Хербариумски примерок на Hypericum maculatum subsp. immaculatum
Хербариумски примерок на Hypericum maculatum subsp. immaculatum
Хербариумски примерок на Hypericum maculatum subsp. immaculatum
Хербариумски примерок на Hypericum maculatum subsp. immaculatum
Хербариумски примерок на Hypericum maculatum subsp. immaculatum
Хербариумски примерок на Hypericum maculatum subsp. immaculatum
Наводи
[уреди | уреди извор]- 1 2 3 4 Мицевски, Кирил (1995). Флора на Република Македонија, Том I, св. 3. Скопје: МАНУ. стр. 498–499.
- ↑ Băcilă, I., et al. (2010). Micropropagation of Hypericum maculatum Cranz an important medicinal plant. Архивирано на 11 април 2018 г. Rom Biotechnol Lett 15 86-91.
|