Haemanthus albiflos

Haemanthus albiflos
Научна класификација
Царство:	Растенија
Ред:	Шпаргловидни
Семејство:	Кокичиња
Потсемејство:	Amaryllidoideae
Род:	Haemanthus
Вид:	H. albiflos
Научен назив
	Haemanthus albiflos; Жак.
	Распространетост на H. albiflos во Јужна Африка
Синоними
	Diacles ciliaris Salisb. nom. inval.; Diacles pubescens (Herb.) Salisb. nom. inval.; Haemanthus albomaculatus Baker; Haemanthus intermedius (Herb.) M.Roem.; Haemanthus leucanthus Miq.; Haemanthus pubescens (Herb.) Ker Gawl. nom. illeg.; Haemanthus virescens Herb.;

Haemanthus albiflos ― вид на цветнo растениe од семејството Amaryllidaceae, води потекло од брегот и планините во Јужна Африка. Станува збор за зимзелено, луковично, повеќегодишно геофитно растение. Хортикултурно е ценето поради неговиот необичен изглед и големата толеранција на неповолни услови. H. albiflos е единствениот вид од родот Haemanthus пронајден и во зимските и во летните месеци во региони со врнежи, и има главно крајбрежна распорстранетост од јужен Кејп преку Источен Кејп до Квазулу-Натал, покажувајќи претпочитање за ладни, засенчени места.

Етимологија

Специфичниот епитет albiflos во превод значи „бел цвет“.^[2] Како растение кое се одгледува во саксија, се нарекува „слонов јазик“ или „слоново уво“ поради неговите листови. Исто така користен и народниот назив „четка за сликање“ поради неговите цветови.

Опис

Растението има светлозелени листови. Еднаш годишно, растението произведува по еден пар на листови кои се зимзелени. Кај еден примерок може да се сретнат најмногу по три пара на листови. Листовите се до 40 центиметри долги и може да бидат покриени со кратки, меки влакна и повремено да бидат образувани жилти дамки на горната површина. Во доцна есен и зима, соцветијата слични на четки кои носат повеќе ситни бели цветови се наоѓаат на витките дршки. По оплодувањето од цветовите се образувани месести црвени овални плодови кои носат бели семиња. Целото растение расте до 20-30 центиметри во висина и околу 15 центиметри во ширина.

Одгледување

H. albiflos може да биде одгледувано на најниска температура од околу 1 °C (34 °F), но не ги преживува пониските температури на замрзнување. Ова растение е премногу нежно за да се одгледува во надворешни услови. Претпочита да не е на директно сонце, но е многу толерантно на недоволно наводнување и подобро цвета ако е ограничено во мала саксија.

Размножување

Лесно се размножува со прецветани соцветија, кои може да се отстранат кога ќе заврши периодот на цветање. Гранките со соцветијата може внимателно да се одвојат од родителското растение. Плодовите се формираат многу ретко во затворени простории, веројатно поради недостаток на инсекти за опрашување, но кога ќе се создаде плод и семе, тоа може да се посее и може да расте, иако тоа е побавен процес. Со многу малку грижа, ова растение може да се размножува многу години.