Good Enough (Evanescence)

Од Википедија — слободната енциклопедија
Прејди на прегледникот Прејди на пребарувањето
„Good Enough“
Good Enough 1.jpg
Сингл од Evanescence
од албумот The Open Door
Издаден 2007
Формат ЦД сингл
Снимен 2006
Жанр Алтернативен метал,
Должина 5:31
Издавачка куќа Wind-up
Композитор Ејми Ли,
Хронологија на синглови на Evanescence
Sweet Sacrifice
(2007)
Good Enough
(2007)

Good Enough“ e песна од американската рок група Evanescence. Издадена е во 2007 како четврт сингл од нивниот втор студиски албум, The Open Door. Била напишана од Ејми Ли за нејзиниот долгогодишен пријател и сопруг Џош Хартзлер.

Издавање[уреди | уреди извор]

Сибглот требало да биде издаден во Германија во базичен и премиум формат, а исто така требало да биде издаден дигитално во Австралија, но датумот на издавање никогаш не бил официјално изјавен.

Позадина[уреди | уреди извор]

Инструменти во оваа песна се пијано и виолина, што е различно од нивниот рок звук со гитари. Песната по звукот е многу слична со песните „My Immortal“ и „Hello“.

Заедно со „Lacrymosa“, Ејми Ли кажала дека „Good Enough“ е земена од дел од музиката напишана за филмот Хрониките на Нарнија: Лавот, вештерката и ормарот, но не била употребена во филмот, бидејќи била „многу мрачна“."[1] Но продуцентите на филмот кажале дека никогаш не било испланирано Ли да пишува музика за филмот.[2]

Во интервју за VH1, Ли рекла,

Јас поминав низ многу тешки работи додека го пишував целиот албум и на крајот се оддалечив од тие ситуации. Тоа е навистина тешко. Морате да бидете храбри и силни. Откако го направив тоа, се почувствував чудесно. За првпат почувствував дека можам да напишам песна за тоа колку добро се чувствувам. Никогаш досега го немав направено тоа.[3]

Ли кажала дека нејзиниот долгогодишен пријател и маж, Џош Хартзлер, бил инспирација за песната исто како и за еден од претходните синглови на бендот „Bring Me to Life“. Во ЦД-то на албумот The Open Door, Ли вели,

Џош, ти си мојата муза. Ништо не ме инспирира како тебе. Ти благодарам што ги дополни сите мои недостатоци. Ти благодарам за твојата силa и љубов. Ти благодарам што ми дозволи да се видам преку твоите очи, бидејќи само тогаш знам дека сум доволно добра за тебе.

Музичко видео[уреди | уреди извор]

Ејми Ли во видеото.

Музичкото видео за песната е режирано од Марк Веб, во Будимпешта, Унгарија, помеѓу 11 и 14 јуни, 2007 година.[4][5] На 30, 2007, незавршена верзија на музичкото видео е ставена на Интернет и ги вклучува и специјалните ефекти. Ејми Ли се појавила на емисијата на MTV, TRL на 10 септември, 2007, за да направи премиера на видеото.[6]

Во музичкото видео е прикажана само Ејми Ли, која се наоѓа во магазин и закопува фотографија во дупка на подот од даски. Откако ќе замине, дупката пополека се покрива со нови даски. Додека оди до нејзината работна маса за да запише нешто во својот дневник, подот и другите предмети кои ја обиколуваат почнуваат да се топат. Кога таа ќе започне да свири на пијано сите работи кои се наоѓаат во собата ќе се запалат и ќе горат, сè додека не почне да врне дожд и го гаси огнот. Собата ќе биде сета изгорена. Но кога сонцето ќе почне да свети преку прозорците на магазинот, малечко растение ќе порасне од подот и ќе почне да се шири низ целата соба, а сини цветови ќе почнат да растат од пијаното.

Листа на песни[уреди | уреди извор]

Базичен Сингл[7]

Бр. НасловТекстописци Траење
1. „Good Enough“ (Радио)Ли 4:33
2. „Good Enough“ (Акустична верзија од Intl Live)Ли 4:30

Премиум Сингл[8]

Бр. НасловТекстописци Траење
1. „Good Enough“ (Радио)Ли 4:33
2. „Good Enough“ (Акустична верзија од Intl Live)Ли 4:30
3. „Your Star“ (Во живо од Токио)Ли, Балсамо 4:43
4. „Good Enough“ (Видео)Ли  

Наводи[уреди | уреди извор]

  1. D'Angelo, Joe. „Evanescence's New Sound Is Reminiscent Of ... Evanescence“, „MTV News“, 18 ноември 2004 (посет. 6 јули 2007 г).
  2. Wardrobe closed to Evanescence singer“, „The New Zealand Herald“, 27 ноември 2007 (посет. 6 јули 2007 г).
  3. Bottomley, C. „Evanescence: Amy Lee Explains the New Songs“, „VH1.com“, 18 септември 2006 (посет. 2 февруари 2007 г).
  4. ? ep?s?µ? a?a?????s? t?? Evanescence“, „Mad.tv“, 8 мај 2007 (посет. 8 мај 2007 г).
  5. BOOKED: Evanescence - Marc Webb & Rich Lee, directors“, „VideoStatic.com“, 8 јуни 2007 (посет. 8 јуни 2007 г).
  6. „MTV will premiere the new video for "Good Enough"...“. Evanescence.com. 2007-09-05. Архивирано од изворникот на 2007-09-05. 
  7. „Good Enough/Basic“. Amazon.de. конс. 2007-12-02. 
  8. „Good Enough/Premium“. Amazon.de. конс. 2007-12-02. 

Надворешни врски[уреди | уреди извор]