Glaucium corniculatum
| Glaucium corniculatum | |
|---|---|
 | |
| Научна класификација [ у ] | |
| Непознат таксон (попр): | Glaucium |
| Вид: | Glaucium corniculatum |
| Научен назив | |
| Glaucium corniculatum (L.) Curtis | |
| Синоними[1] | |
| |
Glaucium corniculatum, црнорогов афион [2] или црвенорогов афион, вид од родот Glaucium во семејството афиони (Papaveraceae). Тоа е едногодишно цветно растение, кое расте во Јужна Европа и расте до 30 сантиметри. Стеблото и листовите се влакнести, плодот во облик на капсула е покриен со крута коса, цветот е црвен, со црна точка на основата на тепалниот бракт, кој има жолт раб околу него. Цветот се појавува од јуни до август.
Опис
[уреди | уреди извор]Glaucium corniculatum е едногодишно или двегодишно растение високо до 50 сантиметри со сина или зелена боја. Стеблото е вертикално, најчесто разгрането, поретко неразгрането, со круглеста форма, нејасно набраздено, влакнесто, со кафеави влакна. Листовите се дебели, кожести, од обете страни со кафеави влакна, а приосновните листови имаат долги дршки, на изглед се лировидни, пересто насечени а деловите на листовите се всечени или неправилно напилени, а запците завршуваат со кусо осилче. Стеблените и горните листови се приседнати каде базалните делови го обвиваат стеблото.
Цветовите се поединечни и по врвовите на гранчињата или во пазувите на листовите, а цветните аршки се долги од 10 до 30 милиметри, пупките се влакнести со 15–25 mm должина, со јајцевидна и заострена форма. Чашкините ливчиња се две на број и брзо отпаѓаат. Тие се зелени, обраснати со широки и начленети влакна. Венечните ливчиња се четири на број и имаат должина до 30 мм со јајцевидна форма и портокалово жолта до црвена боја, а честопати со темна дамка во основата.
Прашниците се во голем број жолти, а антерите црни. Жигот е всечен, а деловите расперени. Линејната кутијка е долга 10–20 cm, вертикална или малку лачно извиена со многубројни прилегнати и свртени нагоре влакна. Семките се скоро топчести.[3]
Распространетост во Македонија
[уреди | уреди извор]Glaucium corniculatum е доста често растение во низинските делови. Се среќава по песокливи и тревести места, камењари и како коровно растение. Познато за околините на Скопје, Штип, Оризари, Мариово (манастир „Св. Илија“), Јаношево, Уланци и Мушанци, Таорска Клисура, клисурата на реката Пчиња, Катлановска Бања; клисурата на реката Бабуна кај Велес.[3]
Се посочува за Велес, Демир Капија, долината на Црна Река Градешница, Смолево, Водоча и планината Бабуна.[3]
Наводи
[уреди | уреди извор]- ↑ „Glaucium phoeniceum Crantz“. Plants of the World Online. Кралски ботанички градини во Кју. Посетено на 22 February 2022. (англиски)
- ↑ „Glaucium corniculatum“. Служба за заштита на природните ресурси при USDA — база PLANTS.
- 1 2 3 Мицевски, Кирил (1993). Флора на Република Македонија. Том I св.2. Скопје: Македонска академија за науките и уметностите. стр. 161-162.
| ||||||||||