Fumaria thuretii

Fumaria thuretii
Научна класификација [ у ]
Царство:	Растенија
клад:	Скриеносеменици
клад:	Евдикоти
Ред:	Лутиковидни
Семејство:	Афиони
Вид:	Fumaria thuretii
Научен назив
Papaveraceae thuretii

Fumaria thuretii — вид цветно растение од семејството афиони.

Опис

Fumaria thuretii е едногодишно растение. Стеблото му е вертикално, разгрането со висина од 20-30 см високо и со надолжни бразди. Листовите се сивкаво зелени со должина од 10-30 mm, навидум ромбично јајцевидни и 1-2 пати перести. Лисните делови имаат јајцевидна форма, а ливчињата се два до три пати подолги отколку широки, ланцетни до линејно ланцетни или елиптични. Лисните дршки се еднакви со ламината или покуси.

Соцветијата не многу долги од 4-8 cm и имаат 15-35 цвета но се густи, вертикални, приседнати или со куси дршки кои се покуси од соцветието. Брактеите по должина се скоро еднакви со плодните дршки и ретко се малку покуси, линејно елиптични. По боја се розови а на врвот зашилени. Цветовите се долги 7-10 mm. Чашкините ливчиња имаат должина од 2,5-3 mm со ширина од 1,5-2 mm. Тие имаат јајцевидна форма и се пошироки од венчето, бледорозови до пурпурни, по работ се скоро бели, неправилно плитко назабени а само во основата запчињата се подолги.

Венчето е розово до пурпурно, а на врвот е темновиолетово. Горното венечно ливче во предниот дел е со свиткани нагоре рабови. Шпората долга до 3 mm, поширока од средниот дел на венчето. Оревчињата се скоро топчести, на врвот се слабо заострени со должина од 2 mm и имаат многу ситни брадавички. Плодните дршки се кукасто свиткани надолу.

Распространетост во Македонија

Fumaria thuretii е распространето во Македонија, најчесто покрај варовнички карпи и камењари, а исто така и на серпен тин, до 1000 m.

Се среќава во Жеденска Клисура, Матка, Катлановска Бања, покрај река Тополка, во Доброшане, Штип, Галичица - помеѓу селата Стење и Коњско. Се посочува за планината Бабуна.