Euphorbia lathyris
| Euphorbia lathyris | |
|---|---|
 | |
| Научна класификација [ у ] | |
| Царство: | Растенија |
| клад: | Скриеносеменици |
| клад: | Евдикоти |
| клад: | Розиди |
| Ред: | Малпигиовидни |
| Семејство: | Млечки |
| Род: | Млечка |
| Вид: | Euphorbia lathyris |
| Научен назив | |
| Euphorbia lathyris L. | |
| Синоними | |
|
Euphorbia lathyrus (lapsus) | |
Euphorbia lathyris е вид млечка која потекнува од Азија во западна Кина, Киргистан и Пакистан, а е воведена и на други места.[1][2]
Раст
[уреди | уреди извор]Euphorbia lathyris е исправено двегодишно (повремено годишно) растение кое расте 20-150 цм, темнозелено а потоа сивкастосо многубројни стебла од основата. Во првата година има густи листови кои во втората во долниот дел отпаѓаат.
Листовите се распоредени во декусирани спротивни парови и се линејни до долгнавесто-копјести, 5–15 см долги и 0,5-1,5 см широки, на врвот заострени или тапи, во основата заокруглени или слабо срцевидни. Во основата на штитчињата 2 триаглесто-јајцевидни на врвот заострени.
Штитот со 2 зрацикои повеќепати дихотомно се разгрануваат.
Куијката голема 8-12 мм долга, 10 мм широка, мазна со доста плитки бразди.
Семките јајцевидно-топчести 5-7 мм долги, 4-4,5 мм широки, светлокафеави до црвеникаво-кафеави, со грубо мрежеста површина.[3]
Цветовите се зелени до жолто-зелени, со дијаметар од 4 мм, без ливчиња.[2][4]
Распространетост во Македонија
[уреди | уреди извор]Ова растение расте во Пробиштип, с. Лесново.[3]
Хемиски карактеристики
[уреди | уреди извор]Целото растение е отровно, вклучувајќи ги семето и коренот. При допирање може да предизвика иритација на кожата бидејќи растението произведува латекс. Иако е отровно за луѓето и поголем дел од добитокот, козите понекогаш го јадат и се имуни на токсинот. Сепак, токсинот може да се пренесе преку козјото млеко.[5]
Живеалиште
[уреди | уреди извор]Далеку од својот домороден опсег, е широко натурализирано во многу региони, каде што често се смета за инвазивен вид.[4] Расте во делумна сенка до целосно сонце.
Употреба
[уреди | уреди извор]Euphorbia lathyris се употребува во народната медицина како лек за рак, плускавци и брадавици, а наводно го користеле и просјаци за да предизвикаат кожни чиреви.
Семиња
Наводи
[уреди | уреди извор]- ↑ „Euphorbia lathyris L. | Plants of the World Online | Kew Science“. Plants of the World Online (англиски). Посетено на 15 January 2025.
- 1 2 Blamey, M. & Grey-Wilson, C. (1989). Flora of Britain and Northern Europe. ISBN 0-340-40170-2
- 1 2 Мицевски, Кирил (2001). Флора на Република Македонија Том I, св. 4. Скопје: МАНУ. стр. 864.
- 1 2 Huxley, A., уред. (1992). New RHS Dictionary of Gardening. ISBN 0-333-47494-5. OCLC 25202760.
- ↑ Poisonous Plant Information: Caper Spurge Архивирано на 20 октомври 2006 г.
|