Disney+
 Трговската марка од 2024 г. | |
Екранска снимка  Екранска снимка од почетната страница на Disney+ во САД на 27 март 2024 г., вклучувајќи ја серијата „Шогун“ како истакната содржина | |
Вид место | OTT |
|---|---|
| Седиште | Лос Анџелес, Калифорнија, САД |
| Земја на потекло |  САД |
| Претседател | Алиса Боуен |
| Матично претпр. | Disney Streaming |
| Адреса | disneyplus.com  |
| Зачленување | задолжително |
| Корисници | ▲ 127,8 милиони долари (од 6 август 2025)[1][2] |
| Пуштено | 12 ноември 2019 |
| Тековна состојба | активна |
Disney+ — американска претплатничка преносна услуга од типот OTT, управувана од одделот Disney Streaming на компанијата The Walt Disney Company.[3] Услугата главно се занимава со распределба на филмови и телевизиски серии произведени од Walt Disney Studios и Walt Disney Television, а исто така е ексклузивна платформа за брендови како Disney, Pixar, Marvel, Војна на ѕвездите, National Geographic, Starz и, во некои земји, други содржини. На Disney+ се прикажуваат и оригинални филмови и телевизиски серии.
Disney+ се потпира на технологијата развиена од Disney Streaming Services, која првично била претставена во 2015 г. како BAMTech. Disney добил контролен пакет акции во BAMTech во 2017 г., а потоа, како дел од корпоративното реструктурирање пред купувањето на студиото 21st Century Fox, го пренел сопственичкиот удел на DTCI. BAMTech помогнал во пуштањето на ESPN+ на почетокот на 2018 г., а во 2019 г. истекол договорот на Disney со Netflix за распределба на содржина. Затоа, Disney ја искористил можноста да ја употреби технологијата развиена за ESPN+ за да создаде преносна услуга под сопствен бренд и со своја содржина. Производството на оригинални филмови и телевизиски серии започнало кон крајот на 2017 г.
Disney+ бил пуштен на 12 ноември 2019 г. во САД, Канада и Холандија, а една недела подоцна и во Австралија, Нов Зеланд и Порторико. Во некои европски земји, преносната услуга станала достапна во март 2020 г., а во април во Индија била пуштена под името Disney+ Hotstar. Во септември истата година, уште неколку европски земји добиле пристап до Disney+, а во ноември услугата била пуштена во Латинска Америка. По пуштањето, библиотеката со содржини на услугата добила потврдни оценки, но Disney+ бил критикуван за технички проблеми и прашања поврзани со исполнетоста на услугата. Промените направени во филмовите и телевизиските серии исто така привлекле медиумско внимание. До 18 септември 2023 г., услугата веќе имала 146,7 милиони корисници ширум светот.[4]
Содржина
[уреди | уреди извор]Содржината на видеоуслугата доаѓа од забавните студија на Disney, вклучувајќи ги: Walt Disney Pictures, Walt Disney Animation Studios, Disneytoon Studios, Disneynature, Pixar, Blue Sky Studios, Saban Entertainment, Marvel Studios, Lucasfilm, 20th Century Studios, 20th Television Animation, ABC Signature, Freeform, FX Networks, Hollywood Pictures, Searchlight Pictures, Touchstone Pictures, и National Geographic. Услугата исто така вклучува содржини од ESPN+ и од Hulu, во кое Disney добил мнозински удел по преземањето на 21st Century Fox.
Наводи
[уреди | уреди извор]- ↑ „Disney Gains Surprise 1.4 Million Disney+ Subscribers“. Variety (англиски). 2025-05-07. Посетено на 2025-05-07.
- ↑ Palmer, Roger (2025-06-28). „Disney+ Adds Over A Million New Subscribers“. What's On Disney Plus. Посетено на 2025-08-16.
- ↑ Nunan, Tom. „5 Reasons Why Disney+ Is Breaking Records While Making History“. Forbes (англиски). Архивирано од изворникот 2020-08-06. Посетено на 2020-12-12.
- ↑ Todd Spangler (2023-02-08). „Disney+ Drops 2.4 Million Subscribers in First Loss, Bob Iger Heralds 'Significant Transformation' Underway“. Variety (англиски). Архивирано од изворникот 2023-02-08. Посетено на 2023-02-09.