Dianthus sylvestris
| Dianthus sylvestris | |
|---|---|
 | |
| Научна класификација [ у ] | |
| Непознат таксон (попр): | Dianthus |
| Вид: | Dianthus sylvestris |
| Научен назив | |
| Dianthus sylvestris Франц Хавиер фон Вулфен[1] | |
| Синоними[2] | |
|
Список
| |
Dianthus sylvestris — вид каранфил од родот Carnation и семејството Caryophyllaceae. Природно се среќава во Европа, особено на Алпите, а се наоѓа и на планините на Македонија и Грција.[2] Како повеќегодишно растение, претпочита да расте на посуви, каменести места, па затоа понекогаш се сади во карпести градини.[3]
Опис и распространетост
[уреди | уреди извор]
Повеќегодишно растение со кратки приземни збиени гранчиња што формираат густи мали баздовчиња и со куси задрвенети основни делови. Цветните гранчиња достигнуваат висина до 40 см. Базалните листови се многубројни, линејни, долги 3–6 см, широки 0,5–1 мм, на врвот заострени, со јасна средна жила, голи, со цилии по рабовите, зелени, цврсти, понекогаш лачно свиени; стеблените листови најчесто се покуси од интернодиумите. Цветовите се поединечни на врвот од цветните гранчиња, понекогаш со слаб мирис. Има 4 до 6 цветни лушпи, широко обратно јајцевидни, долги 4–5 мм, нагло стеснети и заострени или формираат кусо триаглесто зелено осилче долго 1–1,5 мм, кремови, кожести, прилегнати кон чашката и три до четири пати покуси од неа. Чашката е долга 12–22 мм, широка 4–7 мм, речиси цилиндрична, во долниот дел малку подуена и црвеникаво-виолетова, во горниот дел зелена или целата црвеникаво-виолетова. Чашкините запци имаат широко триаглеста форма, долги се до 4 мм, во основата се широки 2 мм. Ламината на венчето е најчесто розова, гола, назабена.[4]
Во Македонија се среќава на тревни и каменливи пасишта во субалпскиот и алпскиот појас, на височина од 1400 до 2700 м.[4]
Варијабилност
[уреди | уреди извор]Опишани се голем број подвидови: [2]
- Dianthus sylvestris subsp. albiflorus Мицевски — Се среќава на Кораб, над село Жужње, 1450 м.[4]
- Dianthus sylvestris subsp. alboroseus FKMey.
- Dianthus sylvestris subsp. aristidis (Batt.) Greuter & Burdet
- Dianthus sylvestris subsp. bertisceus Rech. f. — Доста често растение во западна Македонија. Се среќава на Шар Планина; Јакупица; Кораб; Бистра; Стогово; Илинска Планина; Галичица; Кичево - Баба Сач; Горна Радика - Аџина Река, с. Ничпур и Стрезимир; клисурата на реката Радика; Дебар - Бањиште.[4]
- Dianthus sylvestris subsp. boissieri (Willk.) Dobignard
- Dianthus sylvestris subsp. kozjakensis Мицевски — Прилеп - Плетвар и Козјак, 1000 - 1250 м.[4]
- Dianthus sylvestris subsp. longibracteatus (Maire) Greuter & Burdet
- Dianthus sylvestris subsp. longicaulis
- Dianthus sylvestris subsp. nodosus
- Dianthus sylvestris subsp. sylvestris — Во Македонија секако не се среќава, иако има многу литературни податоци кои се однесуваат на него.[4]
- Dianthus sylvestris subsp. tergestinus (Rchb.) Hayek
- Dianthus sylvestris var. alpestris Мицевски — Шар Планина, Титов Врв, 2400 м.[4]
Галерија
[уреди | уреди извор]
Хербариумски примерок на Dianthus Sylvestris subsp. kozjakensis
Хербариумски примерок на Dianthus Sylvestris subsp. kozjakensis
Хербариумски примерок на Dianthus Sylvestris subsp. kozjakensis
Хербариумски примерок на Dianthus Sylvestris subsp. kozjakensis
Наводи
[уреди | уреди извор]- ↑ N.J.von Jacquin, Collectanea 1: 237 (1787)
- 1 2 3 „Dianthus sylvestris Wulfen“. Plants of the World Online. Board of Trustees of the Royal Botanic Gardens, Kew. 2017. Посетено на 14 August 2020.
- ↑ Lane, Theresa (1995). A-Z of Rock Garden & Water Plants. Reader's Digest Association. стр. 51–52. ISBN 9780895778369.
- 1 2 3 4 5 6 7 Мицевски, Кирил (1993). Флора на Република Македонија Том I, св. 2. Скопје: МАНУ. стр. 365–367.
|