Dianthus superbus

Влакнест каранфил
	Dianthus superbus
Научна класификација
Домен:	Eukaryota
Царство:	Plantae
Оддел:	Spermatophyta
Пододдел:	Angiospermae
Класа:	Eudicotyledonae
Ред:	Caryophyllales
Семејство:	Caryophyllaceae
Род:	Dianthus
Вид:	D. superbus

Dianthus superbus или влакнест каранфил — вид каранфил од родот Carnation и семејството Caryophyllaceae.

Опис и распространетост

Тоа е тревесто повеќегодишно растение со стебло кое често е полегнато и разгрането, од кое се издигнуваат цветни гранчиња.^[1] Расте до 80 см височина. Листовите се зелени до сивкасто зелени, тенки, долги до 8 см. Цветовите имаат сладок мирис и дијаметар од 3–5 см, собрани во ретко метличесто соцветие. Нивната боја варира од розева до виолетова со зеленкаста основа. Се развиваат во разгранети соцветија на врвот од стеблата од рано до доцно лето.^[2]^[3]

Чашкините лушпи 2–4, долги една четвртина до една третина од чашката, црвеникави, обратно јајцевидни, на врвот нагло преминуваат во кус зелен осил долг 1–2 мм, кој е 3–4 пати покус од лушпата. Чашката е долга 15–31 мм, широка 3–6 мм, цилиндрична, пурпурноцрвена. Чашкините запци долги 6–7 мм, во основата широки до 2 мм, по рабовите белузлави и со ситни влакненца.^[1]

Расте на планински голини со ниски грмушки, околу 2000 м надморска височина, на силикатна подлога.^[1]

Варијабилност

Постојат шест подвидови:

Dianthus superbus subsp. superbus. Ламината на венчето околу 21 мм; влакната на ламината светли. Не се среќава во Македонија.^[1]
Dianthus superbus subsp. autumnalis — Југозападна Франција.
Dianthus superbus subsp. sylvestris — Германија.
Dianthus superbus subsp. alpestris Kablík. ex Čelak. (син. D. s . subsp. speciosus ). — Алпи, Карпати, Шар Планина, на големи надморски височини. Пократки стебла; посиви лисја; големи цветови. Ламината на венчето околу 31 мм; влакната во основата пурпурни. Ретко растение. Во Македонија познато само на Шар Планина – над Елак.^[1]
Dianthus superbus subsp. stenocalyx (Trautv. ex Juz.) — Јужна Русија, Украина.
Dianthus superbus subsp. longicalycinus (Maxim.) — Јапонија. Се нарекува и nadeshiko (ナデシコ) .

Претставува единствениот извор на храна за големиот молец Coleophora musculella .

Галерија

Хербариумски примерок на Dianthus Superbus subsp. speciosus
Хербариумски примерок на Dianthus Superbus subsp. speciosus

Наводи

1 2 3 4 5 Мицевски, Кирил (1993). Флора на Република Македонија Том I, св. 2. Скопје: МАНУ. стр. 367–368.
↑ Blamey, M. & Grey-Wilson, C. (1989). Flora of Britain and Northern Europe. ISBN 0-340-40170-2
↑ Huxley, A., ed. (1992). New RHS Dictionary of Gardening. Macmillan. ISBN 0-333-47494-5.

[:0-1] 1 2 3 4 5 Мицевски, Кирил (1993). Флора на Република Македонија Том I, св. 2. Скопје: МАНУ. стр. 367–368.

[blamey-2] Blamey, M. & Grey-Wilson, C. (1989). Flora of Britain and Northern Europe. ISBN 0-340-40170-2

[rhs-3] Huxley, A., ed. (1992). New RHS Dictionary of Gardening. Macmillan. ISBN 0-333-47494-5.

[1]

[2]

[3]