Прејди на содржината

Dianthus formanekii

Од Википедија — слободната енциклопедија
Dianthus formanekii
Научна класификација
Царство: Plantae
Оддел: Tracheophyta
Класа: Magnoliopsida
Ред: Caryophyllales
Семејство: Caryophyllaceae
Род: Dianthus
Вид: Dianthus formanekii

Dianthus formanekii — вид каранфил опишан од Борбас и Форманек. Dianthus formanekii е во родот Carnation и семејството Caryophyllaceae.

Опис и распространетост

[уреди | уреди извор]

Многугодишно жлездесто-влакнесто растение, кое достигнува висина до 50 см. Стеблото е вертикално и цилиндрично. Листовите линејни, широки 0,5–1 мм., со 5–7 жили, зелени и плоснати, на врвот заострени; ракавците се трипати подолги отколку широки. Цветовите се собрани во помали главичести соцветија составени од многу збиени цветови; прицветниците се елипсовидно јајцевидни, голи, пурпурноцрвени, нагло преминуваат во кратки осили кои се еднакви или покуси од самите прицветници.[1]

Чашката е пурпурна, долга 6–10 мм. и широка 1,5 мм., во горниот дел има ретки прилегнати ситни четинести влакненца; запците се долги 2,5 мм. и завршуваат со издолжен заострен врв. Ливчињата на венчето имаат ламина долга околу 2 мм, со ретки назабувања, пурпурна боја и без влакненца во основата.[1]

Расте на брдски пасишта и покрај патишта, до 600 м. надморска височина, на силикатна подлога. Растение со многу ограничено распространување.[1]

Најчесто се среќава во централна Македонија: кај Кавадарци над селото Ваташа, кај Прилеп во манастирот Трескавец, во Мариово кај Расимбеговиот мост и кај Битола во селото Лопатница.[1]

Галерија

[уреди | уреди извор]
  1. 1 2 3 4 Мицевски, Кирил (1993). Флора на Република Македонија Том I, св. 2. Скопје: МАНУ. стр. 378.
  2. Borb. ex Formanek, 1894 In: Verh. Naturf. Ver. Brunn. 32: 39
  3. World Plants: Synonymic Checklists of the Vascular Plants of the World
Грешка во наводот: Ознаката <ref> со име „C132“ определена во <references> не се користи во претходен текст..Грешка во наводот: Ознаката <ref> со име „source“ определена во <references> не се користи во претходен текст..

Надворешни врски

[уреди | уреди извор]