Dianthus cruentus
| Dianthus cruentus | |
|---|---|
 | |
| Крупен план на цветот | |
 | |
| На ливада во северна Грција | |
| Научна класификација [ у ] | |
| Непознат таксон (попр): | Dianthus |
| Вид: | Dianthus cruentus |
| Научен назив | |
| Dianthus cruentus Griseb. | |
| Синоними[1] | |
|
Список
| |
Dianthus cruentus (син. Dianthus calocephalus), познат како крвав каранфил, — вид цветно растение од семејството Caryophyllaceae.[2] Природно се среќава во југоисточна Европа, Македонија, Турција, Закавказ и Иран, а е донесен и во Шведска.
Опис и распространетост
[уреди | уреди извор].jpg)
Полузимзелено повеќегодишно растение што достигнува височина до 60 см, обично се среќава на сончеви места.[2] Стеблото е четириаглесто и без влакненца. Базалните листови се групирани во снопчиња, долги до 15 см, тесни и линејни, широки 1,5–3 мм., без влакненца, рабовите им се рапави, можат да бидат плоснати или здиплени, а врвот постепено се заострува. По должината на стеблото има 3–4 пара линејни, плоснати листови; ракавците се околу седум пати подолги отколку широки. Цветовите се бројни и формираат густи главичести соцветија. Брактеите се со кратки густи влакненца, кафеави и кожести, издолжено јајцевидни, со осил кој е еднаков на должината на чашката. Лушпите на чашката се долги околу 6 mm и широки 4 мм, обратно јајцевидни, со тап врв и набрчкани рабови, темнокафеави, со густи влакненца по површината; нагло преминуваат во тенок кончест осил, покус или еднаков со лушпата, кој допира до врвовите на запците. Чашката е долга 12–18 мм. и широка 3–4 мм., пурпурна, во средината поширока, а во горниот дел со ситни прилепени влакненца; запците се долги 4 мм., широки 1,2 мм. во основата, тесно триаглести и шилести на врвот. Ламината на венчето е долга 5–8 мм. долга, пурпурна, назабена, во основата влакнеста.[3]
Расте на варовнички и гранитни карпи, каменливи и тревести места, како и во дабови и букови шуми, на височини од 900 до 2500 метри.[3]
Ценет поради своите крвавоцрвени цветови и пријатна миризба, широко е достапен кај комерцијалните снабдувачи.[2]
Во Македонија растението е широко распространето.
Варијабилност
[уреди | уреди извор]- Dianthus cruentus subsp. cruentus - Лушпите на чашката се темнокафеави;осилот е значително подолг од лушпата и допира до основата или до врвот на чашкините запци. Ламината на венчето е гола и пурпурна. Се среќава на: Шар Планина, Дешат, Осогово, Галичица, Илинска и Плакенска Планина, Скопска Црна Гора, Ресен, Прилеп, Македонски Брод, Дебар, клисурата на реката Радика.[3]
- Dianthus cruentus subsp. turcicus - Лушпите на чашката се светлокафеави или речиси белузлави; осилот е еднаков по должина со нив или покус и допира до средината на чашката. Ламината на венчето e розово-црвена и во основата влакнеста. Се среќава во: Мариово, Валандово, Гевгелија, Штип, Дојран и Таорска Клисура.[3]
Галерија
[уреди | уреди извор]
Хербариумски примерок на Dianthus Cruentus
Хербариумски примерок на Dianthus Cruentus
Хербариумски примерок на Dianthus Cruentus subsp. turcicus
Хербариумски примерок на Dianthus Cruentus subsp. turcicus
Хербариумски примерок на Dianthus Cruentus subsp. turcicus
Хербариумски примерок на Dianthus Cruentus var. baldaccii
Наводи
[уреди | уреди извор]- ↑ „Dianthus cruentus Griseb“. Plants of the World Online. Кралски ботанички градини во Кју. Посетено на 20 November 2024. (англиски)
- 1 2 3 „Dianthus cruentus blood pink“. Find a plant. The Royal Horticultural Society. 2024. Посетено на 20 November 2024.
Buy online from £8.99 ... 24 suppliers
- 1 2 3 4 Мицевски, Кирил (1993). Флора на Република Македонија Том I, св. 2. Скопје: МАНУ. стр. 381–382.
| ||||||||||