Dianthus armeria
| Dianthus armeria | |
|---|---|
_Dianthus_armeria_flower.jpg) | |
| Тревест каранфил | |
| Научна класификација [ у ] | |
| Непознат таксон (попр): | Dianthus |
| Вид: | Dianthus armeria |
| Научен назив | |
| Dianthus armeria L. | |
Dianthus armeria или тревест каранфил, — вид на Dianthus (каранфил) кој природно се среќава во поголемиот дел од Европа, од Португалија северно до јужна Шкотска и јужна Финска, и источно до Украина и Кавказ.[1] Одомаќинет е во Северна Америка.[2]
Опис
[уреди | уреди извор]_Dianthus_armeria_-_Plant_habit.jpg)
Dianthus armeria е едногодишно или двегодишно растение кое расте високо од 40 до 60 см и има многу тенок изглед. Има широко распоредени, парни листови, а над нив се разгранува прилично ретко.[3]
Базалните листови се тесно ланцетни, плоски и тапи, со ретки влакна по работ и долж средната жила на долната страна, а понекогаш и на горната страна на ламината.[4]
На краевите на стеблата има краткостеблести или безстеблести гроздови од темно розови цвеќиња кои се опкружени со исправени, влакнести, листовидни брактеи. Овие цветни групи можат да се појават и странично. Секој цвет е 8-13 мм во дијаметар и има 5 ланцетни ливчиња, секое со неправилно назабени рабови и мали бели точки на горната површина.[5] Листовите се влакнести, темнозелени по боја и тенки по форма.[6]
Распространетост
[уреди | уреди извор]Dianthus armeria потекнува од Европа, каде што е широко распространет до 60° северна географска ширина во Скандинавија, протегајќи се на исток до Ерменија и Кавказ, и на југ до Шпанија и Сицилија. Внесен е во Северна Америка, каде што денес е одомаќинет и широко распространет како инвазивен вид.[5]
Во Македонија се среќава на пасишта, покрај шуми, на песокливи терени и крај карпи, до 1200 m надморска височина.[4]
Во Британија денес е исчезнат како автохтон вид од Шкотска, а е познат од неколку десетици локалитети во Англија и од 4–5 локалитети во Велс.[7]
Живеалиште и екологија
[уреди | уреди извор]Dianthus armeria е вид што расте на отворени и периодично нарушени места. Обично е едногодишно растение, но може да биде двегодишно или краткотрајно повеќегодишно. Нови розети од листови се формираат во основата на старите растенија од пупки на нивните корени, што покажува дека овој вид всушност е краткотрајно повеќегодишно растение со животен век пократок од две и пол години.[5] Цути од јули до септември.[6] Цветовите се без мирис и ретко се опрашуваат од инсекти, при што самоопрашувањето е вообичаено. Секое растение постепено ослободува околу 400 семиња од своите мешунки; сепак, некои растенија задржуваат мал дел од семињата преку зимата.[5] Цветовите се затвораат во доцните попладневни часови.[6]
Одгледување и употреба
[уреди | уреди извор]
Често се одгледува како украсно растение во градините. Популации од ова растение се внесени и одомаќинети во Нов Зеланд и голем дел од Северна Америка.[8]
Варијабилност
[уреди | уреди извор]Dianthus armeria subsp. armeria - Внатрешните лушпи на чашката се ланцетни, а чашката е зелена. Познат од Струмица – с. Банско и с. Свидовица; Кичево – с. Цер; Преспа – с. Крушје; Демир Хисар – с. Слепче.[4]
Dianthus armeria subsp. armeriastrum (Wolf.) Velen - Внатрешните лушпи на чашката се јајцевидни, а чашката пурпурна. Познат од: Клисурата на р. Радика; Кораб – с. Нистрово, с. Тануше и Длабока Река; Стогово – с. Гари; Кавадарци – с. Мајден и с. Рожден; Тетово – с. Вратница.[4]
Галерија
[уреди | уреди извор]
Хербариумски примерок на Dianthus Armeria
Хербариумски примерок на Dianthus Armeria
Хербариумски примерок на Dianthus Armeria
Хербариумски примерок на Dianthus Armeria subsp. Armeriastrum
Хербариумски примерок на Dianthus Armeria subsp. Armeriastrum
Хербариумски примерок на Dianthus Armeria subsp. Armeriastrum
Наводи
[уреди | уреди извор]- ↑ Blamey, M. & Grey-Wilson, C. (1989). Flora of Britain and Northern Europe. ISBN 0-340-40170-2
- ↑ Dickinson, T.; Metsger, D.; Bull, J.; & Dickinson, R. (2004) ROM Field Guide to Wildflowers of Ontario. Toronto:Royal Ontario Museum, p. 234.
- ↑ „Deptford Pink Dianthus armeria“. Illinois Wild Flowers. Посетено на 24 March 2020.
- 1 2 3 4 Мицевски, Кирил (1993). Флора на Република Македонија Том I, св. 2. Скопје: МАНУ. стр. 378–379.
- 1 2 3 4 „Dianthus armeria L.“ (PDF). Botanical Society of Britain and Ireland. Архивирано од изворникот (PDF) на 2025-11-06. Посетено на 24 March 2020.
- 1 2 3 „Deptford Pink Dianthus armeria“. Plantlife. Архивирано од изворникот на 2021-06-21. Посетено на 24 March 2020.
- ↑ „Deptford Pink's Flintshire site sees 14-fold increase“. BBC News. 30 August 2010. Посетено на 24 March 2020.
- ↑ „Dianthus armeria L. Deptford pink“. USDA. Посетено на 24 March 2020.[мртва врска]
|