Daphne blagayana
| Daphne blagayana | |
|---|---|
.jpg) | |
| Научна класификација [ у ] | |
| Непознат таксон (попр): | Daphne |
| Вид: | Daphne blagayana |
| Научен назив | |
| Daphne blagayana Freyer | |
Daphne blagayana е вид цветно растение од родот Daphne. Прв пат било опишано во 1837 година од Хајнрих Фрејер во близина на Полхов Градец (сега североисточна Словенија) и именувано по ботаничарот Рихард Благај.
Опис
[уреди | уреди извор]Зимзелено, ниско, грмушесто растение до 30 цм високо. Стебленцата во основата полегнати, а потоа со лачно искривување вертикално се издигнуваат, во долниот дел без листови, кафеави, со прилегнати влакна.
Листовите обично собрани по врвовите на гранчињата каде што се погусто збиени и формираат образување слично на розета. Тие се голи, кожести, светликави, долгнавесто-елиптични до долгнавесто-обратно-јајцевидни, 3-6 цм долги, на врвот тапи, најшироки во средината на горната половина, кон основата постепено се стеснуваат приседнати. Горната страна интензивно зелена, а долната сивкасто-зелена и матова.
Цветовите жолтеникаво-бели, крупни, во голем број и групирани во термални главичести соцветија со многу куси дршки, речиси приседнати, и групирани по неколку на заедничка подолга дршка.
Прицветниците до 10мм долги, со густи, прилегнати сребренести влакна, надворешните долгнавесто-јајцести, а внатрешните лиејно-копјести.
Перијантот 15-20 мм долг, цилиндричен, со густи прилегнати влакна, до половина насечен на 4 елиптични или јајцевидни слободни делови кои можат да бидат и до 7 мм долги, голи.
Плодникот влакнест на куса дршка и со кусо столпче. Плодот костелка со месест бледожолтеникав егзокарп.[1]
Хемиски и лековити својства
[уреди | уреди извор]Растенијата од овој вид се користат за медицински цели бидејќи се покажало дека имаат антиоксидантни својства, корисни во лекувањето на кожни заболувања, забоболка и маларија, а може да се користат и како природен лаксатив или антикоагуланс.[2] Цитокините директно вклучени во воспалителниот одговор се намалуваат, при што се добива антимикробен ефект.[3]
Распространетост во Македонија
[уреди | уреди извор]Daphne blagayana во Македонија расте по четинарските и разретчени букови шуми. Позната е за Ниџе, Кожуф, и тоа за с. Мајден и Висока Чука.[1]
Наводи
[уреди | уреди извор]- 1 2 Мицевски, Кирил (2001). Флора на Република Македонија Том I, св. 4. Скопје: МАНУ. стр. 879–880.
- ↑ Manojlovic, Nedeljko; Sovrlic, Miroslav; Maskovic, Pavle; Vasiljevic, Perica; Juskovic, Marina (2014-03-01). „Phenolic and Flavonoid Content and Antioxidant Activity of Daphne Blagayana Growing in Serbia“. Serbian Journal of Experimental and Clinical Research (англиски). 15 (1): 21–27. doi:10.2478/sjecr-2014-0003.
- ↑ Sovrlić, Miroslav; Vasiljević, P.; Jušković, M.; Mašković, P.; Manojlović, N. (2014). „Antimicrobial activity and HPLC analysis of Daphne blagayana L. (Thymelaeceae) extracts“. Praxis medica. 43 (4): 93–97. doi:10.5937/pramed1404093S. ISSN 0350-8773.
|