Дебарско Езеро

Дебарско Езеро Шпилје
Дебарско Езеро Шпилје - Поглед на Дебарското Езеро и градот Дебар. Поглед на Дебарското Езеро и градот Дебар.
Координати	41°30′02″N 20°31′10″E
Вид	вештачко
Главен дотек	Црн Дрим
Главен истек	Црн Дрим
Земји во сливот	Македонија
Површина	13,2 км²
Најг. длабочина	94 м

Дебарско Езеро или Шпиље — вештачко езеро во западниот дел од Македонија, јужно од Дебар на местото каде што реката Радика се влева во реката Црн Дрим кај месноста Шпилски Мост. Се наоѓа во близина на македонско-албанската граница. Има површина од 13,2 км², 92 м длабочина и надморска височина од 580 м. Се користи како акумулација за ХЕ „Шпиље“.

Езерото е создадено со подигање на брана во висина од 102 м, која била градена во периодот од 1966 до 1968 година. Полнењето на акумулацијата завршило во 1969 година.

Дебарското Езеро е најбогатото езеро со вода од сите вештачки езера во Македонија. Вкупниот волумен на акумулацијата е 520 милиони м3, а корисниот волумен изнесува 223 милиони м3 вода.

Температурата на езерската вода изнесува околу 14.4°С, минималната се спушта на 3.0°С, а максималната до 23.9°С. Прозирноста на водата се движи од 4.4 м во средишниот дел, до 2.5 м во крајбрежјето.

Недалеку од источниот брег на езерото се наоѓа Дебарскиот Остров, сместен околу 1 км северозападно од селото Праленик.

Галерија

• 

  Поглед на Дебарското Езеро од североисток

• 

  Заезерувањето на Црн Дрим во Дебарското Езеро на југозапад

• 

  Поглед на Дебарското Езеро од манастирот „Раичкиот манастир.

• 

  Поглед на Дебарското Езеро со Мелничкиот мост

• 

  Поглед на езерото од страната на Дебарските Бањи

• 

  Заезерувањето на езерото на излезот на Црн Дрим од Дримколската Клисура на југ

• 

  Издолжен поглед на езерото

• 

  Поглед на езерото

Надворешни врски

• Дебарско Езеро на Ризницата ^?