Cuscuta europaea
| Cuscuta europaea | |
|---|---|
.jpg) | |
| Научна класификација [ у ] | |
| Непознат таксон (попр): | Cuscuta |
| Вид: | Cuscuta europaea |
| Научен назив | |
| Cuscuta europaea L. | |
| Синоними | |
| |
Cuscuta europaea - паразитско растение кое потекнува од Европа, i кое припаѓа на семејството повивки, но порано било класифицирано во семејството вилина коса. Расте на главоцветни, конопи, штирови, бобови, коприви и други тревни растенија, вклучувајќи градинарски растенија како што се Coleus и Impatiens, а повремено и на Humulus.[1] Ова е значаен паразит на луцерката (Medicago sativa). Во многу региони, вклучувајќи ги и Источните Хималаи во Непал, овој вид се користи како традиционален лек за лекување на заболувања на црниот дроб.[2]
Опис
[уреди | уреди извор]Долгите тенки стебла на C. europaea се жолтеникави или црвеникави. Тие имаат инфлоресценција која се создава странично по должината на стеблата, цветовите се распоредени компактно со малку до многу цветови. Чашката е обратноконусовидна, голема 1,5 мм, и има форма на чаша со 4 или 5 чашки. Венчето е ѕвончевидно, по прецветувањето е пехаресто. Прашниците се покуси од венечните сегменти.[3][4]
Распространетост
[уреди | уреди извор]Cuscuta europaea сега може да се најде и во Јапонија и Алжир,[5] како и во Северна Африка, Западна Азија и Европа.[6] Во Индија и Пакистан, видот се јавува на Хималаите, протегајќи се од Кашмир до Сиким на надморска височина од 3.600 метри.[7]
Најчесто се развива врз различни тревести растенија. Во Македонија овој вид го има на планината Караџица, во Маврово, на Кораб, Галичица, Баба Сач, главно овој вид е врзан за планинскиот појас.[3]
Наводи
[уреди | уреди извор]- ↑ Poland J, Clement EJ. 2020. Vegetative Key to the British Flora. John Poland, Southamption, Second Edition.ISBN 978-0-9560-1442-9
- ↑ O'Neill, Alexander; Rana, Santosh (2017-07-16). „An ethnobotanical analysis of parasitic plants (Parijibi) in the Nepal Himalaya“. Journal of Ethnobiology and Ethnomedicine. 12 (14): 14. doi:10.1186/s13002-016-0086-y. PMC 4765049. PMID 26912113.
- 1 2 Владо Матевски: Флора на Република Македонија, том II, св. 1, стр. 61-62, издавач: МАНУ, Скопје, 2010
- ↑ „European dodder (Cuscuta europaea“. Plantwise Knowledge Bank. Посетено на 24 April 2019.
- ↑ Francis Wall Oliver. The Natural History of Plants: Their Forms, Growth, Reproduction. 1. стр. 172.
- ↑ Henning Heide-Jørgensen (2008). Parasitic flowering plants. Brill. стр. 160. ISBN 978-90-04-16750-6.
- ↑ „Greater Dodder“. Flowers of India. Посетено на 25 April 2019.
Надворешни врски
[уреди | уреди извор]
Cuscuta europaea на Ризницата ?
|