Call of Duty: Modern Warfare (2019)
| Call of Duty: Modern Warfare | |
|---|---|
.jpeg) | |
| Изработувач(и) | Infinity Ward |
| Издавач(и) | Activision |
| Режисер(и) | Џек О'Хара |
| Продуцент(и) | Пол Хејл |
| Дизајнер(и) |
|
| Програмер(и) | Даниел Нелсон |
| Уметник(ци) |
|
| Писател(и) |
|
| Композитор(и) | Сара Шахнер |
| Серијал | Call of Duty |
| Погон | IW 8.0 |
| Подлоги | |
| Датум на издавање | 25 октомври 2019 |
| Жанр(ови) | пукачка игра од прво лице |
| Режим(и) | едноиграчки, повеќеиграчки |
Call of Duty: Modern Warfare — компјутерска игра во жанрот пукачка игра од прво лице, развиена од страна на Infinity Ward, а издадена од Activision. Играта излегла на 25 октомври 2019 г. Овој наслов претставува обнова на потсеријалот Modern Warfare, а воедно е и шеснаесеттиот проект во целата франшиза.
На 10 март 2020 г., за играта бил објавен бесплатниот додаток Warzone, кој не бара поседување на изворната игра. Тој претставува повеќеиграчка пукачка игра во жанрот „кралска битка“, со капацитет до 150 играчи на една карта и можност за накрсно играње меѓу ЛС, PlayStation 4 и Xbox One. Продолжението излегло на 28 октомври 2022 г., додека третиот дел бил објавен на 10 ноември 2023 г.
Играчки процес
[уреди | уреди извор]Кампања
[уреди | уреди извор]Едноиграчката кампања во Modern Warfare се сосредоточува на реализмот и вклучува тактички морални избори. Врз основа на овие избори, играчот се оценува и добива соодветен резултат на крајот од секое ниво. Во одредени мигови, играчите мораат брзо да проценат дали неиграчките ликови претставуваат закана или не; на пример, граѓанка за која се верува дека посегнува по оружје, но всушност само го зема своето бебе од лулката.
Оваа оценка за колатерална штета, наречена процена на закана, се заснова на тоа колку граѓани играчот ќе повреди или убие, а рангот се движи од А до F. Оние со повисок резултат добиваат посебни награди.
Дијалозите меѓу ликовите се менуваат во зависност од одлуките што ги носи играчот во текот на играта.[1] Вклучени се и бројни тактички решенија: на пример, играчот може да користи снајперска пушка во отворена средина за да ги исполни целите по нелинеарен редослед, или пак да избере да ги искрши светилките за да користи ноќен вид при упади и чистење на просториите.
Приказна
[уреди | уреди извор]Капетан Прајс и британската специјална единица SAS ги здружуваат силите со ЦРА и Ослободителната војска на Урзикстан за да го пронајдат украденото хемиско оружје. Борбата ве води од Лондон до Блискиот Исток и подалеку, додека оваа заедничка оперативна група се бори да спречи војна од светски размери.
Наводи
[уреди | уреди извор]- ↑ Hurley, Leon (13 јуни 2019). „Call of Duty Modern Warfare will have branching dialogue and performance depending on your actions“. GamesRadar. Архивирано од изворникот 15 јуни 2019. Посетено на 15 јуни 2019.