Педесет и прва македонска дивизија

Од Википедија — слободната енциклопедија
Прејди на прегледникот Прејди на пребарувањето
Педесет и прва македонска дивизија
51va Divizija, 1944.jpg
Формирање на 51-та македонска дивизија на НОВЈ во селото Широк Дол, октомври 1944 година
Активна19 октомври 1944 – декември 1944
БиткиЗавршни операции за ослободување на Македонија
Команданти
Истакнати
команданти
Кирил Михајловски
Извештај на 51 дивизија за настани на теренот (28 октомври 1944 г.).

Педесет и прва македонска дивизија на НОВЈ формирана е на 19 октомври 1944 година во селото Широк Дол кај Берово.[1] При основањето, во нејзиниот состав влегле Првата, Дваесеттата, Дваесет и првата македонска и Артилериската бригада на 51-та дивизија на Народноослободителната војска на Југославија. Во нејзиниот состав тогаш имало вкупно 2.476 борци и офицери. Подоцна, бројот пораснал на 6.689 борци и офицери.

Команден состав[уреди | уреди извор]

Командниот состав на дивизијата го сочинувале:[1]

Командантот на дивизијата, Кирил Михајловски, бил прогласен за народен херој на Југославија.

Борбени дејства[уреди | уреди извор]

Оваа дивизија учествувала во завршните операции за ослободување на Македонија, во текот на октомври и ноември 1944 година, на релациите: Дојран-Валандово-Струмица-Радовиш и Струмица-Ново Село-бугарска граница, во состав на Брегалничко-струмичкиот корпус на НОВЈ.

По ослободувањето на Струмица и Радовиш, распоредена е на југословенската граница од Гевгелија до тромеѓето на границата со Бугарија. Преименувана е во декември 1944 година, кога го добила формацискиот број „Педесетта“, на место на укинатата истоимена дивизија.[1]

Наводи[уреди | уреди извор]

  1. 1,0 1,1 1,2 д-р Марјан Димитријевски „Македонската војска 1944-1945“, Скопје, ИНИ, 1999 г., стр. 184-186

Литература[уреди | уреди извор]