12-та германска армија
| 12-та армија | |
|---|---|
| германски: 12. Armee | |
 Војници од 12-тата армија на Акропол во Атина | |
| Активна | 13 октомври 1939 – 31 декември 1942 април - мај 1945 |
| Земја |  Трет Рајх |
| Род |  Германска армија ( Вермахт) |
| Големина | Армија |
| Дел од | Армиска група A (мај 1940) OKH/OKW (1941) OKW (1942/43) |
| Битки | Битка за Франција Заземање на Југославија Заземање на Грција Битка за Берлин |
12-та германска армија била една од германските армии кои учествувале во Втората светска војна.
Ја сочинувале 19 дивизии од кои 5 оклопни, 3 моторизирани, 8 пешадиски и 3 ридски. Сите овие дивизии биле групирани во Југозападна Бугарија а со дел и во Романија и имале за цел едновремен напад на Југославија и Грција.
Историја
[уреди | уреди извор]Германската 12-та армија била формирана на 13 октомври 1939, на чело со генералот Вилхелм Лист. На почетокот била ангажирана на дефанзивни задачи долж линијата Зигфрид, а во 1940 година била вклучена во нападот и окупацијата на Франција. Подоцна, таа година, била преместена во Кралството Романија, со цел припрема за офанзива на Балканот.
Во февруари 1941, со договор помеѓу фелдмаршалот Лист и бугарскиот генералштаб бил овозможен премин на германските трупи. Ноќта на 28 февруари единиците на германската армија ја преминале реката Дунав и навлегле во Бугарија, каде се распределиле на стратешки позиции.
На 6 април, единиците на 12-та армија учествувале во инвазијата на Југославија и Грција. Прва капитулирала Југославија, а Грците после шестмесечна борба со Италијанците не биле во состојба да се спротивстават на 15-те дивизии на 12-та армија, од кои четири биле оклопни.
12-та армија станала Армиска група E (Heeresgruppe E) на 1 јануари 1943.
Команданти
[уреди | уреди извор]- Генерал Вилхелм Лист 13 октомври 1939 - 29 октомври 1941 година
- Генерал Валтер Кунце 29 октомври 1941 - 2 јули 1942 година
- Генерал-полковник Александер Лер 30 јули 1942 - 31 декември 1942 године
- Генерал Валтер Венк 10 април 1945 - 7 мај 1945 година