Штраусберг
| Штраусберг | |
.jpg) | |
| |
  Штраусберг | |
| Управа | |
| Земја | Германија |
|---|---|
| Покраина | Бранденбург |
| Округ | Меркиш-Одерланд |
| Градоначалник | Елке Штаделер (независна) |
| Основни податоци | |
| Површина | 67,86 км2 |
| Надм. височина | 94 м |
| Население | 26.939 (31 декември 2020)[1] |
| - Густина | 397 жит/км2 |
| Други информации | |
| Часовен појас | CET/CEST (UTC+1/+2) |
| Рег. табл. | MOL (порано: SRB) |
| Пошт. бр. | 15344 |
| Повик. бр. | 03341 |
| Портал | www.stadt-strausberg.de |
| Местоположба на градот Штраусберг во рамките на округот Меркиш-Одерланд | |
 | |
| Координати | 52°35′0″N 13°53′0″E / 52.58333° СГШ; 13.88333° ИГДКоординати: 52°35′0″N 13°53′0″E / 52.58333° СГШ; 13.88333° ИГД |
Штраусберг (германски: Strausberg) е најголем град во округот Меркиш-Одерланд, во сојузната покраина Бранденбург, Германија, сместен на 30 километри источно од Берлин.
Историја[уреди | уреди извор]
Штраусберг бил основан околу 1240 и во 1333 било изградено првото градско собрание. Денес се зачувани остатоци од одбранбените ѕидини околу стариот град. Во 19 век започнала индустријализацијата и во градот се развило работничко движење, вклучувајќи синдикати и локални комитети на Социјалдемократската и Комунистичката партија на Германија.[2] По 1945, градот станал дел од Источна Германија. Штраусберг бил административно седиште на истоимениот округ до 1993, кога се споил со Бад Фрајенвалде и Зелов и го создале Меркиш-Одерланд, а Зелов станал новото административно седиште на округот.
Географија[уреди | уреди извор]
Штраусберг е 30 километри источно од Берлин и 30 километри западно од Костшин, на полската граница. Претставува дел од метрополитенската област Берлин/Бранденбург и еден од средните центри на областа. Се граничи со (гледано од север надесно), Алтландсберг, Обербарним, Буков, Гарцау-Гарцин, Рефелде, Ридерсдорф и Петерсхаген-Егерсдорф.
Градски единици[уреди | уреди извор]
Градот е поделен на девет области (Gebiet): Фазаненпарк, Гартенштат, Хегермиле, Ноје Миле, Постбрух, Шилерхее (со Шпицмиле), Штраусберг Норд, Штраусберг Штат и Форштат.
Во градот влегуваат и три единици (Ortsteile):
Сообраќај[уреди | уреди извор]
Градот е опслужуван од железничката станица Штраусберг, сместена на околу 6 километри јужно од градот, која е една од станиците на линијата 5 на берлинската С-Железница и линијата Берлин-Лихтенберг — Костшин на Германските железници. Постојат и други три станици на линијата С5 во рамките на градот, како Штраусберг Хегермиле, Штраусберг Штат и Штраусберг Норд.
Штраусберг е опслужуван и од Штраусбершката железница (Strausberger Eisenbahn), лесна железница со девет застанувања, која ја поврзува главната железничка станица со центарот на градот. Штраусбершката железница управува и со фериботот низ Штрауското Езеро (Strausseefähre).
Градот има мал аеродром („Flugplatz Strausberg“, ICAO: EDAY),[4] отворен во 1927, со писта од 1200 метри х 28 метри и се наоѓа на 2 километри источно од центарот на градот.
Спорт[уреди | уреди извор]
Локалниот фудбалски клуб е ФК Штраусберг, кој настапува во регионалната лига во Бранденбург. Домашните натпревари се одигруваат на стадионот Енерџиарена.
Галерија[уреди | уреди извор]
Воздушен поглед
Стари градски ѕидини
Штрауско Езеро
Штраусбершката Шума и езерото
Стариот град („Altstadt“)
Партнерства[уреди | уреди извор]
Збратимени градови
Луѓе[уреди | уреди извор]
- Андреас Ангелус (1561–1598)
- Михаел Гартеншлегер (1944–1976)
- Јоханес Хав (1871–1949)
- Зигмунд Јен (р. 1937)
- Зигфрид Каше (1903–1947)
- Георг Курце (19??–1945)
- Гертруд Роснер (1903–1984)
Наводи[уреди | уреди извор]
- ↑ „Население на Бранденбург по општини и општински заедници] на 31 декември 2020 г.“. Статистичка служба за Берлин и Бранденбург. јуни 2021. (германски)
- ↑ Horst Klein: Zur Geschichte der Ortsgruppe der KPD Strausberg 1920 bis 1946 (Thesen), in: Jahrbuch für Forschungen zur Geschichte der Arbeiterbewegung, No. I/2002; and Horst Klein: 110 Jahre organisierte Arbeiterbewegung - 1887–1997 Sozialdemokraten in Strausberg (Thesen), in: Jahrbuch für Forschungen zur Geschichte der Arbeiterbewegung, No. II/2003.
- ↑ 3,0 3,1 3,2 (германски) Информации за број на жители
- ↑ (германски) Информации за аеродромот
Надворешни врски[уреди | уреди извор]
 |
„Штраусберг“ на Ризницата ? |
- Официјална страница (германски)
- Штраусберг во живо
- ФК Штраусберг
- Штраусбершка железница
- Градска википедија Архивирано на 24 октомври 2007 г.
- Карта на железничките линии во Штраусберг
|