Шкрапина
| Шкрапина | |
|---|---|
.jpg) | |
| Научна класификација [ у ] | |
| Непознат таксон (попр): | Scorpaena |
| Вид: | Шкрапина |
| Научен назив | |
| Scorpaena scrofa Линеј, 10 издание на Систем на природата, 1758[2] | |
Scorpaena scrofa, шкрапина или шкарпина, или риба шкорпион[3] — отровен морски вид на зракоперкаста риба од семејството Scorpaenidae. Се наоѓа во Средоземното Море, во источниот Атлантски Океан и западниот Индиски Океан.
Таксономија
[уреди | уреди извор]Scorpaena scrofa првпат формално била опишана во 1758 година од Карл Линеј во 10-то издание на неговото дело „Систем на природата“ во која ги наведува типските местоположби како Средоземното Море во Рим и Марсеј.
Опис
[уреди | уреди извор]Scorpaena scrofa е најголемата источноатлантска риба од нејзин таксон.[4] Нејзината обоеност се движи од црвена до светло розова, а има темни дамки на телото. Има отровни боцки и може да достигне максимална тежина од околу 3 кг. Може да порасне до максимална должина од 50 см, но обично е околу 30 см.
Има 12 грбни боцки, 9 грбни меки перки, три анални боцки и пет меки перки. Често има темна дамка помеѓу 6-тите и 11-тите грбни боцки.[5] Има долги супраорбитални пипала.
Распространетост
[уреди | уреди извор]Scorpaena scrofa се наоѓа во Средоземното Море. Исто така, се наоѓа во источниот Атлантски Океан околу Британските Острови, каде што е ретка, јужно до Сенегал, Канарските Острови и Зелен ’Рт. Во Индискиот Океан, најсеверниот запис е од Акабанскиот Залив и со оглед на нејзината појава во западниот Индиски Океан, се смета дека овој запис е малку веројатно да биде резултат на антилесепската миграција од Медитеранот преку Суецкиот канал.[6]
Живеалиште
[уреди | уреди извор]Scorpaena scrofa е демерсална и живее во морски и солени средини со карпести, песочни или калливи дна на длабочина од 20-500м. Преку ден, живее во дупки и пештери. Ноќе излегува да лови.[4]
Однос
[уреди | уреди извор]Шкрапината е седечка, осамена и немиграциска риба. Таа е предаторска, хранејќи се со други риби, како и со ракови и мекотели. Ова е една од рибите што ги користи морската пијавица Pontobdella muricata како домаќин.[7]
Како храна
[уреди | уреди извор]Шкрапината е традиционална состојка во марсејскиот бујабес и во тосканскиот качуко. Исто така, широко се користи во јапонската кујна.
Наводи
[уреди | уреди извор]- ↑ Nunoo, F.; Poss, S.; Bannermann, P.; Russell, B. (2015). „Scorpaena scrofa“. Црвен список на загрозени видови. 2015. doi:10.2305/IUCN.UK.2015-4.RLTS.T198748A15592127.en. Посетено на 14 February 2022. Занемарен непознатиот параметар
|name-list-style=(help); Занемарен непознатиот параметар|article-number=(help) - ↑ Scorpaena scrofa Linnaeus, 1758. Светски регистар на морски видови.
- ↑ „Marine Species Identification Portal: Large-scaled scorpion fish - Scorpaena scrofa“. Species-identification.org. Посетено на September 15, 2011.
- 1 2 „Scorpaena scrofa“. Malawicichlidhomepage.com. Архивирано од изворникот на November 26, 2001. Посетено на September 15, 2011.
- ↑ Greece. „Red Scorpionfish (Scorpaena scrofa) | Archipelago Wildlife Library“. Wildlife-archipelago.gr. Посетено на September 15, 2011.
- ↑ Fricke, Ronald; Golani, Daniel; Appelbaum-Golani, Brenda; Zajonz, Uwe (2020). „New record of the Red scorpionfish, Scorpaena scrofa (Actinopterygii: Scorpaeniformes: Scorpaenidae) from deep waters off Israel, Gulf of Aqaba, Red Sea“. Acta Ichthyologica et Piscatoria. 50 (3): 357–362. doi:10.3750/AIEP/02861.
- ↑ „Pontobdella muricata Linnaeus, 1758“. SeaLifeBase. Посетено на 27 December 2019.