Шиш-тавук

Од Википедија — слободната енциклопедија
Прејди на прегледникот Прејди на пребарувањето
Шиш-тавук

Шиш-тавук[1] (арапски: شيش طاووق; хебрејски: קבב עוף; турски: Şiş tavuk or Tavuk şiş;[2][3] азерски: Toyuq kababı) — традиционално маринирано јадење од пилешко месо, односно варијанта на шиш-ќебап од Блискоисточната кујна. Ова јадење е вообичаено во Турција, Азербејџан, Либан,[4] Египет, Јордан, Сирија, Ирак, и Израел. Варијанта на ова јадење што се подготвува во Иранската кујна, се нарекува џуџе-ќебап. Се служи во голем број ќебапчилници во разни градови низ светот.[5]

Потекло на поимот[уреди | уреди извор]

Шиш е турски збор за меч или ражен,[6] а тавук доаѓа од стариот туркиски Тагаку, и значи „пиле“.[7]

Подготовка и сервирање[уреди | уреди извор]

Јадењето се состои од коцки пилешко месо кои се маринирани, а потоа печени на ражен. Најчесто маринадата се состои од јогурт и сок од лимони, или доматно пире, но постојат и други варијанти. Се конзумира во вид на сендвич, или пак на чинија во комбинација со зеленчук, со ориз или помфрит. Турската варијанта на ова јадење најчесто се служи со ориз, јогурт и зеленчук печен на скара. Во Сирија и Либан најчесто се служи со сос од лук, со хумус и со салата од табуле. Во сендвичот се додава: салата, домат, и кисела репка. Во Израел се служи со таан, пржен кромид, пита лепче, печени лути пиперки (најчесто чили), салата од табуле и туршија (маслинки, моркови, бабури, зелка и репка).

Поврзано[уреди | уреди извор]

Наводи[уреди | уреди извор]

  1. Sari Edelstein (22 October 2010). Food, Cuisine, and Cultural Competency for Culinary, Hospitality, and Nutrition Professionals. Jones & Bartlett Publishers. стр. 573–. ISBN 978-1-4496-5968-4.
  2. Virginia Maxwell (15 September 2010). Istanbul. Lonely Planet. стр. 145–. ISBN 978-1-74220-404-8.
  3. Ozcan Ozan (13 December 2013). The Sultan's Kitchen: A Turkish Cookbook. Tuttle Publishing. стр. 179–. ISBN 978-1-4629-0639-0.
  4. Lisa M. Ross; Lisa Akoury-Ross (1 June 2009). New American Cuisine for Today's Family: Fresh Ideas to Prepare Healthy Mediterranean Meals in Under 30 Minutes. SDP Publishing LLC. стр. 69–. ISBN 978-0-9824461-1-9.
  5. Yvonne Yazbeck Haddad; Jane I. Smith (1 January 2002). Muslim Minorities in the West: Visible and Invisible. Rowman Altamira. стр. 138–. ISBN 978-0-7591-0218-7.
  6. Gil Marks (17 November 2010). Encyclopedia of Jewish Food. Houghton Mifflin Harcourt. стр. 597–. ISBN 0-544-18631-1.
  7. „tavuk“. Посетено на 15 November 2014.