Шеснаесетти македонски корпус
Шеснаесеттиот македонски корпус на НОВЈ е формиран во првата половина на октомври 1944 година на Скопско-кумановска територија,[1] од 42-та и Кумановската дивизија. Прв командант на корпусот бил Петар Брајовиќ, а политички комесар бил Боро Чушкар. Овој корпус бил под непосредна команда на Главниот штаб на Македонија.
Команден состав[уреди | уреди извор]
Командниот состав на дивизијата го сочинувале:[1]
- Петар Брајовиќ, командант
- Боро Чушкар, политички комесар
- Коста Јашмаков, началник на штабот
Борбени дејства[уреди | уреди извор]
Корпусот дејствувал на териториите Велес-Скопје-Врање, Тетово-Скопје и Крива Паланка-Страцин-Куманово. Неговата 42-ра дивизија ги напаѓала германските сили кои се повлекувале од Грција, и посебно се истакнала во борбите кај Башино Село, Нивчани, Драчево, Зелениково. Од 3 септември до 4 октомври, заедно со Шестaта македонска ударна бригада од 48-та дивизија корпусот учествувал во чистење од балистите на подрачјето на планините Жеден, Сува Гора и Карлијак. Потоа го ослободила Велес на 9 ноември, а на 13 ноември заедно со 16-та македонска бригада од Кумановската дивизија, и со помош на вооружените жители на градот, го ослободиле Скопје.
Врз основа на наредба на Главниот штаб на Македонија од 6 декември 1944 година, корпусот е расформиран во првата половина на декември, а неговите единици формациски влегле во составот на Петнаесеттиот македонски корпус.[1]
Наводи[уреди | уреди извор]
Литература[уреди | уреди извор]
- Марјан Димитријевски: „Македонската војска 1944-1945“, Скопје, ИНИ, 1999 г.
- Војна енциклопедија (книга деветта), Белград, 1975 година.