Шафранска ѕвингалка

Шафранска ѕвингалка
	Мажјак
	Женка
Заштитен статус
	; Незагрозен (МСЗП 3.1)
Научна класификација
Царство:	Животни
Колено:	Хордови
Класа:	Птици
Ред:	Врапчевидни
Семејство:	Тангери
Род:	Жолти ѕвингалки
Вид:	Шафранска ѕвингалка
Научен назив
	Sicalis flaveola; (Linnaeus, 1766)

Шафранска ѕвингалка (науч. Sicalis flaveola) — птица од семејството на тангерите (Thraupidae) од Јужна Америка која често се среќава по отворените и полуотворените рамници вон Амазонската Низина. Има широка распространетост во Колумбија, северна Венецуела (каде се нарекува „тавански канаринец“), западен Еквадор, западно Перу, источен и јужен Бразил (каде се нарекува „домороден канаринец“), Боливија, Парагвај, Уругвај, северна Аргентина и Тринидад и Тобаго. Видот е доведен и на Хаваите, Порторико и други места. Иако најчесто се нарекува канаринец, не е во сродство со таа птица.

Мажјакот е светложолт, со портокалово теме, кое го одликува од останатите жолти ѕвингалки (освен џуџестата жолта ѕвингалка). Женката лесно се меша бидјеќи е само за нијанса побледа од мажјакот, но кај јужниот подвид S. f. pelzelni истата е маслиновокафеава, со впечатливи темни линии.

Птицата најчесто се гнезди во шуплини, во напуштени гнезда на црвениот печкар (Furnarius rufus), на бамбусови гранчиња и под куќни покриви. Не ѝ пречи човечкото присуство, и се јавува по населбите и посетува птицопои. Има пријатна, но повторлива песна и интересен изглед, па затоа се чува и како миленик. Мажјаците се полигамни (се парат со две женки) и се одликуваат со територијалност, поради што луѓето со нив приредуваат борби во кафез.^[2]^[3]

Галерија[уреди | уреди извор]

Јајце
Младо
Младо
Раширени крилја

Наводи[уреди | уреди извор]

↑ BirdLife International (2012). „Sicalis flaveola“. IUCN Red List. Version 2013.2. International Union for Conservation of Nature. Посетено на 26 November 2013.
↑ Cf. José Felipe Monteiro Pereira, Aves e Pássaros comuns do Rio de Janeiro, Rio de Janeiro, Technical Books, 2008, ISBN 978-85-61368-00-5, стр. 134
↑ Peters, Sharon (9 March 2010). „Authorities crack down on finch-fighting rings“. USA Today. Посетено на 26 April 2017.