Шармери од осмо
| Автор | Велко Неделковски |
|---|---|
| Земја |  Македонија |
| Јазик | македонски |
| Жанр | роман за деца |
| Медиум | печатено издание |
Шармери од осмо — роман на македонскиот писател Велко Неделковски.
Содржина[уреди | уреди извор]
- Внимание: Овој дел од статијата обелоденува содржина на книгата.
Романот авторот го посветува на саканиот внук Филип Неделковски, среќно да расте, бујно да мечтае и страсно да спортува. Романот ја следи приказната на осмоодделенците во основното училиште „Септември“,кои детските закачки ги надминуваат со тоа што формираат заеднички фудбалерски тим „Шармери“, кој се бори за титула и освојување на пехар. Во позадина на приказната се следи и приказната на Златко Самоилов и неговиот татко, училишниот педагог, Златан Самоилов, вдовец вљубен во својата колешка Розет(к)а. Спротивставувањето на синот, кој сака да го зачува споменот на мајка си, го двоуми искусниот педагог кој е свесен за чувствата на синот. Исто така, се следат и љубовните приказни на неколку од фудбалерите ученици, кои авторот ги прикажува со леснотија и свежина. Шармерите и покрај својата спортска борбеност, не успеваат да го освојат пехарот, но нивната игра и другарство остануваат во сеќавањето на директорот на училиштето, Бојан Милјановски, кој, како што ветил, ја закачува сликата на тимот на златната генерација во својата канцеларија. Во романот, авторот со вештина на искусен познавач на детската психологија ги опишува своите ликови, користејќи жаргон и разговорност во раскажувањето. ref>Велко Неделковски, Шармери од осмо, Скопје, Арс Ламина, публикации Либи , 2019 </ref>
Изданија[уреди | уреди извор]
- Во 2019 година, романот е објавен од издавачката куќа „Арс Ламина“, публикации Либи во едицијата: Читанки. Книгата е со димензии од 20 сантиметри и има 208 страници. Книгата е каталогизирана во НУБ „Св. Климент Охридски, Скопје со ISBN број 978-608-259-406-4. Изданието на Арс Ламина е препорачано од Здружението за дислексија Ајнштајн и Филозофскиот факултет- Скопје, поради лесната читливост на фонтот и проредот на текстот. Изданието содржи и речник на помалку познати зборови и биографија на авторот.[1]
Наводи[уреди | уреди извор]
- ↑ Велко Неделковски, Шармери од осмо, Скопје, Арс ламина, 2019
