Шарен кучешки јазик

Шарен кучешки јазик
	Во Монте Гаргано, Италија
Научна класификација [ у ]
Царство:	Растенија
клад:	Скриеносеменици
клад:	Евдикоти
клад:	Астериди
Ред:	Лисичинковидни
Семејство:	Лисичинки
Род:	Кучешки јазик
Вид:	Шарен кучешки јазик
Научен назив
	Cynoglossum creticum; Mill.
Синоними
	Cynoglossum amplexicaule Lam. ; Cynoglossum atlanticum Murb. ; Cynoglossum henricksonii L.C.Higgins ; Cynoglossum molle Phil. ; Cynoglossum pallidiflorum Grecescu ; Cynoglossum pictum Aiton ; Cynoglossum siculum Guss ;

Шарен кучешки јазик (науч. Cynoglossum creticum) — вид растение од семејството на лисичинките (Boraginaceae).^[2]

Опис

Ова е двегодишно растение, високо 25–70 см. Стеблото му е вертикално, неразгрането или во горниот дел разгрането, со прилегнати или полустрчести, меки прости лакна. Базалните листови се собрани во розета, издолжено-елиптични или лопатовидни, постепено стеснети во долга лисна дршка, заедно со лисната дршка долги 10 до 20 см, широки 1 до 3 см широки, од двете страни препокриени со прилегнати, куси, меки прости влакна. Стеблените листови се копјести, долги 4 до 11 см, широки 0,5 до 2,5 см, приседнати, во основата проширени и делумно го опфаќаат стеблото, со слична влакнавост како и базалните листови. Цветовите се без прицветници собрани во главичести срповидни соцветија кои подоцна, при образувањето на плодот се издолжуваат и разгрануваат. Чашката е долга 4 до 5 мм, при образувањето на плодот малку се издолжува (до 7 мм), до основата разделена на 5 јајцевидно-елиптични сегменти, со прилегнати или полустрчести прости, куси, четинести влакна.Венчето е долго 7 до 9 мм, светлосино, со потемни сини мрежесто распоредени жили, со широка инковидна трубичка малку покуса или речиси со еднаква должина со проширениот дел од венчето. Во отворот на венечната трубичка се наоѓаат темноцрвено-виолетови проширени главичести грлени лушпи, препокриени со куси брадавичести израстоци, под кои се сместени антерите на прашниците. Оревчињата се јајцевидни, од надворешната страна испакнати, без задебелен раб, со пречник од 5 до 7 мм, препокриени со густи кукести четинести влакна.^[3]

Живеалиште

Покрај патишта, железнички пруги, по брдските пасишта, камењари, во низински делови.^[3]

Распространетост

Македонија

Скопје, с. Сарај, с. Љубин; Жеденска Клисура – с. Радуша (АТф), с. Рашче (ЗВ), Таорска Клисура – жел. ст. „Рајко Жинзифов“; Гевгелија – Негорски Бањи, Смрдлива Вода; Богданци; Дојран – (†) с. Асанли; клисурата на р. Црн Дрим.^[3]

Наводи

1 2 „Cynoglossum creticum Mill“. Plants of the World Online. Кралски ботанички градини во Кју. Посетено на 5 March 2025. (англиски)
↑ Bojnanský, Vít; Fargašová, Agáta (2007-09-17). „Atlas of Seeds and Fruits of Central and East-European Flora: The Carpathian Mountains Region“ (англиски). Springer Science & Business Media. стр. 559. ISBN 978-1-4020-5362-7.
1 2 3 Матевски, Владо (2010). ФЛОРА НА РЕПУБЛИКА МАКЕДОНИЈА (PDF). Скопје: МАНУ. стр. 171. ISBN 978-608-203-052-4. Посетено на 13 април 2026. Укажано повеќе од еден |pages= и |page= (help)

Надворешни врски

Шарен кучешки јазик на Ризницата ^?
Cynoglossum creticum на Викивидовите ^?

[POWO-1] 1 2 „Cynoglossum creticum Mill“. Plants of the World Online. Кралски ботанички градини во Кју. Посетено на 5 March 2025. (англиски)

[2] Bojnanský, Vít; Fargašová, Agáta (2007-09-17). „Atlas of Seeds and Fruits of Central and East-European Flora: The Carpathian Mountains Region“ (англиски). Springer Science & Business Media. стр. 559. ISBN 978-1-4020-5362-7.

[FM-3] 1 2 3 Матевски, Владо (2010). ФЛОРА НА РЕПУБЛИКА МАКЕДОНИЈА (PDF). Скопје: МАНУ. стр. 171. ISBN 978-608-203-052-4. Посетено на 13 април 2026. Укажано повеќе од еден |pages= и |page= (help)

[1]

[2]

[3]