Чурулинци

Чурулинци
	Австралиски чурулин (Burhinus grallarius)
Научна класификација
Царство:	Животни
Колено:	Хордови
Класа:	Птици
Ред:	Дождосвирни
Семејство:	Чурулинци; Mathews, 1912
Род (биологија)
	чурулинци (Burhinus); големи чурулинци (Esacus);

Чурулинците (науч. Burhinidae) се семејство на птици што живеат низ тропските и умерените подрачја во светот. Иако спаѓаат во редот на дождосвирните (цапачи по бари и плитаци), највеќето видови поретпочитаат пустински или полупустински (степски) живеалишта.

Во Македонија е присутен само еден вид — чурулинот, наречен кулик или евроазиски чурулин (Burhinus oedicnemus).^[1]

Имаат средна до крупна телесна градба со силен црн или жолт клун, големи жолти очи и перје што ги претопува во околината.

Претежно се активни ноќе, кога се огласуваат со гласно завивање.^[2]

Се хранат главно со инсекти и други безрбетници. Поголемите видови јадат и гуштери и помали цицачи.^[2]

Речиси сите видови се непреселнички, со исклучок на чурулинот, кој лете сели во умерениот европски дел од ареалот, а а зимата ја минува во Африка.

Видови[уреди | уреди извор]

Фамилијата ги опфаќа следиве видови:

Слика	Народно име	Научно име
	чурулин (евроазиски чурулин)	Burhinus oedicnemus
	индиски чурулин	Burhinus indicus
	сенегалски чурулин	Burhinus senegalensis
	воден чурулин	Burhinus vermiculatus
	дамчест чурулин	Burhinus capensis
	американски чурулин	Burhinus bistriatus
	перуански чурулин	Burhinus superciliaris
	австралиски чурулин	Burhinus grallarius (порано B. magnirostris).
	индиски чурулин	Esacus recurvirostris
	карјбрежен чурулин	Esacus giganteus (порано E. magnirostris).