Чомлек

Од Википедија — слободната енциклопедија
Прејди на прегледникот Прејди на пребарувањето
Чомлек
Дел од оброкотглавен оброк
Место на потеклоМакедонија
РегионБитола
Температура на послужувањетопло
Главни состојкителешко месо, кромид, лук

Чомлек (од турски çömlek што значи грне) — македонско традиционално јадење, карактеристично за кулинарството во Битола, но постои и охридски, овчарски, итн. Се смета за зимско јадење. Во Бугарија се нарекува „македонски чомлек“.[1]

Рецепт[уреди | уреди извор]

Главни состојки се 1 кг телешко месо, 1,5 кг кокар или поситни главици кромид, 5 чешниња лук, суви црвени пиперки, 2 дл црвено вино, сол, црн бибер, доматно пире (100 грама), морков, помас (маслиново масло за готвење) или свинска маст.

Месото кратко се пропржува на малку маснотија, се додава вода и на тивок оган се динста околу 2 часа. Главиците кромид се чистат и се додаваат во тенџерето со месо. Потоа се додаваат сувите црвени пиперки, зачините и виното. Се остава уште десетина минути да прокрчка, а потоа содржината се префрла во земјено тавче.

Морковите се пропржуваат на тивок оган и кога маснотијата ќе се обои и малку ќе омекнат, се потурува врз месото и кромидот. Се додаваат и лукчињата исечени на крупно. На крај се додава доматното пире или кечап, се промешува и се пече на 220 степени 1 час. Потоа се намалува температурата на 180 степени и се пече уште еден час. Готово е кога течноста ќе биде испарена.

Наводи[уреди | уреди извор]