Черпишта

Координати: 40°54.59′N 23°28.53′E / 40.90983° СГШ; 23.47550° ИГД / 40.90983; 23.47550
Од Википедија — слободната енциклопедија
Черпишта
Τερπνή
Черпишта is located in Грција
Черпишта
Черпишта
Местоположба во областа
Черпишта во рамките на Визалтија (општина)
Черпишта
Местоположба на Черпишта во Серскиот округ и областа Централна Македонија
Координати: 40°54.59′N 23°28.53′E / 40.90983° СГШ; 23.47550° ИГД / 40.90983; 23.47550
ЗемјаГрција
ОбластЦентрална Македонија
ОкругСерски
ОпштинаВизалтија
Општ. единицаНигрита
Надм. вис.&1000000000000007000000070 м
Население (2021)[1]
 • Вкупно1.593
Часовен појасEET (UTC+2)
 • Лете (ЛСВ)EEST (UTC+3)

Черпишта или Черништа (грчки: Τερπνή, Терпни; до 1923 г. Τσέρπιστα, Церписта[2]) — село во Нигритско, Егејска Македонија, денес во општината Визалтија на Серскиот округ, Грција. Иако изворите го претставуваат населението како грчко, всушност се работи за погрчени Македонци.

Географија[уреди | уреди извор]

Селото се наоѓа во Серското Поле, на 1 км северно од Нигрита, во северното подножје на Богданска Планина.

Историја[уреди | уреди извор]

Во Отоманското Царство[уреди | уреди извор]

Црквата „Св. Димитриј“ е од 1740 г.[3]

Во „Етнографија на вилаетите Адријанопол, Монастир и Салоника“ се вели дека во 1873 г. Черипишта (Tchéripischta) имало 150 домаќинства со 306 Грци и 120 муслимани.[4]

Во 1889 г. Стефан Верковиќ („Топографическо-этнографическій очеркъ Македоніи“) напишал за Черпишта:

„ Черписта — село со мешано население, муслиманите се Турци Коњари, христијаните — Грци; една црква, едно училиште, една џамија и едно муслиманско училиште (мектеб). Оддалечено е на половина час од Нигрита.[5] “

Во 1891 г. Георги Стрезов напишал за селото:

„ Чирпишта, на СЗ од Нигрита, во подножјето на Бешичка Планина, на растојание 1⁄2 час. Ова село некогаш цветало, сега сосем опаднало; жителите се задолжени до уши. До Чирпишта се гледаат урнатини од стари ѕидини од непозната епоха. 120 куќи, половината Турци, а половината христијани — Грци. Имаат црква.[6] “

Според Васил К’нчов („Македонија. Етнографија и статистика“) на почетокот на XX век Черпишта имало 460 жители Турци и 500 Грци.[7] По податоци на егзархискиот секретар Димитар Мишев („La Macédoine et sa Population Chrétienne“) во 1905 г. христијанското население на Черништа (Tchetnichta) се состоело од 800 Грци и во селото имало грчко училиште.[8]

Во Грција[уреди | уреди извор]

По Балканските војни во 1913 г. селото е припоено кон Грција согласно Букурешкиот договор. Истата година населението броело 938 жители, а во 1920 г. се накачило на 1.333 лица.[9] Во 1920-тите турското население е иселено во Турција по сила на Лозанскиот договор, а на негово место се доведени грчки колонисти. На пописот од 1928 г. Черпишта е мешано мештанско-дојденско село со 2.044 жители,[9] од кои 280 лица (64 семејства) биле дојденци, а останатите мештани.[10] Во 1923 г. селото е преименувано во Терпни.[11]

Во понатамошните години селото продолжило да расте поради новостекнатата земја добиена по пресушувањето на Тахинското Езеро.[9]

Месности во Черпишта преименувани со службен указ на 6 јули 1968 г.
Име Грчки Ново име Грчки Опис
Сали Милос[12] Σαλή Μύλος Севастианон Рема Σεβαστειανόν Ρέμα[13] името на Голема Река во нејзиното горно течение на Богданска Планина[12]
Амбарудија[12] Άμπαρούδια Апотикес Αποθήκες[13] врв на Богданска Планина на ЈЗ од Черпишта (926 м)[12]
Морава[12] Μουράβα Мермингас Μέρμηγκας[13] централниот венец на Богданска Планина на ЈЗ од Черпишта (807,4 м)[12]
Крендишта[12] Κρέν Τίστα/Κρεντίστα[14] Иконостаси Εικονοστάσι[13] возвишение на Богданска Планина на ЈЗ од Черпишта[12]
Патрах[12] Πατράχι Стронгилон Στρογγυλόν[13] возвишение на Богданска Планина на ЈЗ од Черпишта[12]
Мација[15] Ματσιά Самаринон Рема Σαμαρινόν Ρέμα[13] името на реката Лагатрис во нејзиното горно течение[15]
Ќадули[12] Κιαδούλι Исома Ίσωμα[13] месност на СИ од Черпишта[12]
Косело[12] Κοσιέλο Камбос Κάμπος[13] месност на С од Черпишта[12]

Население[уреди | уреди извор]

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011 2021
Население 2.663 2.603 2.872 2.616 2.514 2.316 2.189 2.169 1.593
Извор за 1940-1991 г.: Т. Симовски, Населените места во Егејска Македонија

Културни и природни знаменитости[уреди | уреди извор]

Наводи[уреди | уреди извор]

  1. ↑ „Попис на населението од 2021 г. Трајно население“. Државен завод за статистика на Грција.
  2. ↑ „Μετονομασίες των Οικισμών της Ελλάδας“. Πανδέκτης: Name Changes of Settlements in Greece. Посетено на 12 април 2021.
  3. ↑ „Ιερός Ναός Αγίου Δημητρίου“. Ιερά Μητρόπολη Σερρών και Νιγρίτης. Посетено на 3 ноември 2014.[мртва врска]
  4. ↑ Македония и Одринско : Статистика на населението от 1873 г. София: Македонски научен институт – София, Македонска библиотека № 33. 1995. стр. 122–123. ISBN 954-8187-21-3.
  5. ↑ Верковичъ, Стефанъ (1889). Топографическо-этнографическій очеркъ Македоніи (PDF). С. Петербургъ: Военная Типографія (въ зданіи Главнаго Штаба). стр. 58.
  6. ↑ Стрезов, Георги (1891). „Два санджака отъ Источна Македония“ (PDF). Периодическо списание на Българското книжовно дружество въ Средѣцъ. Средѣцъ: Държавна печатница. Година Седма (XXXVI): 843.
  7. ↑ Кѫнчовъ, Василъ (1900). Македония. Етнография и статистика. София: Българското книжовно дружество. стр. 179. ISBN 954430424X.
  8. ↑ Brancoff, D. M (1905). La Macédoine et sa Population Chrétienne : Avec deux cartes etnographiques (PDF). Paris: Librarie Plon, Plon-Nourrit et Cie, Imprimeurs-Éditeurs. стр. 200–201.
  9. ↑ 9,0 9,1 9,2 Симовски, Тодор Христов (1998). Населените места во Егеjска Македониjа (PDF). II дел. Скопjе: Здружение на децата-бегалци од Егејскиот дел на Македонија, Печатница „Гоце Делчев“. стр. 243. ISBN 9989-9819-6-5.
  10. ↑ Κατάλογος των προσφυγικών συνοικισμών της Μακεδονίας σύμφωνα με τα στοιχεία της Επιτροπής Αποκαταστάσεως Προσφύγων (ΕΑΠ) έτος 1928, Архивирано од изворникот на 2012-06-30, Посетено на 2012-06-30
  11. ↑ Λιθοξόου, Δημήτρης. Μετονομασίες των οικισμών της Μακεδονίας 1919 - 1971, Архивирано од изворникот на 30 јуни 2012, Посетено на 30 јуни 2012
  12. ↑ 12,00 12,01 12,02 12,03 12,04 12,05 12,06 12,07 12,08 12,09 12,10 12,11 12,12 12,13 По топографска карта М1:50 000, издание 1980-1985 „Генеральный штаб“
  13. ↑ 13,0 13,1 13,2 13,3 13,4 13,5 13,6 13,7 „Β. Διάταγμα ΥΠ' Αριθ. 427. Περὶ μετονομασίας συνοικισμὤν, κοινοτήτων καὶ θέσεων“ (PDF). Εφημερίς της Κυβερνήσεως του Βασιλείου της Ελλάδος. Εν Αθήναις: Ἐκ τοῦ Εθνικού Τυπογραφείου. Τεύχος Πρώτον (Αριθμός Φύλλου 146): 1042. 1968. Занемарен непознатиот параметар |month= (help)
  14. ↑ Λιθοξόου, Δημήτρη. „Μετονομασίες θέσεων (μικροτοπωνυμίων)“. Δημήτρης Λιθοξόου.
  15. ↑ 15,0 15,1 Nigríta GSGS (Series); 4439. 1st ed. Lambert conical orthomorphic spheroid Bessel proj. Prime meridians: Greenwich and Athens. "Reproduced from M.D.R. 610/10395." In collections: Greece 1:100k Topographic Maps. Digital Archive McMaster University. London: War Office. 1944.
Населени места во општината Визалтија
ОЕ Визалтија
ОЕ Нигрита
ОЕ Тахино
ОЕ Черкезќој
Историски
Преземено од „https://mk.wikipedia.org/w/index.php?title=Черпишта&oldid=5192736“