Чатир Даг

Чатир Даг
Çatır Dağ
Највисока точка
Надм. вис.	1.527 м
Матичен врв	Еклизи Бурун
Координати
Друго име	Çatır Dağ
Географија
Чатир Даг на карта
Место	Крим
Матичен венец	Кримски Планини

Поглед на врвот Ангар Бурун.

Податотека:Chatyr dag upper plateau.jpg

Поглед на врвот Еклизи Бурун.

Чатир Даг (кримскотатарски: Çatır Dağ, руски: Чатыр-Даг, украински: Чатир-Даг) — планински масив во јужниот дел на полуостровот Крим, недалеку од автопатот Симферопол-Алушта. На кримскотатарски чатир значи „шатор“, а даг значи „планина“. Највисок врв е Еклизи Бурун со надморска височина од 1.527 м.

Преглед

Планината се состои од две висорамнини: долна (северна) и горна (јужна). Долната благо се спушта по северната страна која е обрасната со степски треви. На јужниот крај (кај стрмната падина на повисоката висорамнина), долната висорамнина има букови шуми и смрекови полјани. Масивот има неколку планинарски патеки и исклучителни пештери. Источната страна на пониската висорамнина има корија од тиси.

Горната висорамнина е обликувана како џиновска вангла, а по ободотг се издигаат највисоките врвови. Горната висорамнина е прекриена со планински пасишта. Тука падините се многу стрмни и нудат прилики за алпинизам.

Геологија

Масивот е класично карстно подрачје: има преку 200 пештери, јами, и пропасти. Има дури 1000 вртачи, повеќе од сите Кримски Планини. По составот на карпата се дели на два структурни слоја. Горниот е дебел околу 1000 метри и се состои од варовници, настанати со таложењето од топлите мориња во горната јура, сместени врз црвно-кафеави конгломерати. Конгломератите пак, лежат на водоотпорен слој подолу, наталожени во горниот тријас и долната јура. Ова е познато како „тавридска низа“, која се состои од наизменично наредени зеленикави и црни аргилити, алевролити и песочници. Овие минерали се прилично распространети по целото јужно и југозападно крајбрежје на Крим.

Чатир Даг е населен уште од новото камено време. Од тој период е најдено бачило во месноста Јазовечка Полјана. Во пештерите живееле сточари и ловци (V век п.н.е.).

Поврзано

• Кримски Планини
• Мангуп-кале

Надворешни врски

• Пештерите на Чатир Даг (руски)
• Фотографии, опис на Чатир Даг Архивирано на 10 август 2016 г. (руски)
• Водич низ Чатир Даг (1975) Архивирано на 22 март 2009 г. (руски)
• Опис на планинарскиот правец Научниј — Алма — Чатир Даг (руски)