Прејди на содржината

Црни едра (ТВ-серија)

Од Википедија — слободната енциклопедија

Црни едра (англиски: Black Sails) — американска историска акционо-авантуристичка телевизиска серија, чија приказна се одвива на островот Њу Провиденс. Била напишана како предисторија на романот Островот на богатството од Роберт Луис Стивенсон од 1883 година,[1] а истовремено вклучува и прикази на неколку историски личности од реалниот живот и измислени верзии на вистински историски настани. Серијата била создадена од Џонатан Е. Стајнберг и Роберт Левин за Starz. Дебитирала онлајн бесплатно на YouTube и други различни платформи за стриминг и видео услуги на 18 јануари 2014 година.[2] Дебито на кабелска телевизија било една недела подоцна на 25 јануари 2014 година.[3] Стајнберг е извршен продуцент, заедно со Мајкл Беј, Бред Фулер и Ендрју Форм, додека Мајкл Анџели, Дорис Иган и Левин се ко-извршни продуценти.

На 26 јули 2013 година, Старз ја обнови серијата за втора сезона од десет епизоди, чија премиера беше на 24 јануари 2015 година. Раното обновување, шест месеци пред премиерата на првата сезона, беше засновано на позитивната реакција на обожавателите на серијата за време на Комик-Кон Сан Диего.[4] Серијата беше обновена за трета сезона на 12 октомври 2014 година и четврта сезона на 31 јули 2015 година, и двете пред премиерата на соодветните претходни сезони.[5][6] На 20 јули 2016 година, Старз објави дека четвртата сезона на серијата ќе биде последна; сезоната беше премиерно прикажана на 29 јануари 2017 година, а серијата заврши на 2 април 2017 година.[7][8]

Црни едра се одвива на почетокот на 18 век, приближно две децении пред настаните во Островот на богатството, за време на Златното доба на пиратеријата.[1] Страшниот капетан Флинт воведува помлад член во екипажот и заедно се борат за опстанок на островот Њу Провиденс. Според првата епизода, „Во 1715 година, во западните Инди, пиратите од островот Њу Провиденс ја загрозуваат поморската трговија во регионот. Законите на секоја цивилизирана нација ги прогласува за hostis humani generis, непријатели на целото човештво. Како одговор, пиратите се придржуваат до сопствената доктрина ... војна против светот“. Пирати од реалниот живот кои се фикционализирани во серијата се Ен Бони, Бенџамин Хорниголд, Џек Ракам, Чарлс Вејн, Нед Лоу, Израел Хендс и Црнобрад.

Првата сезона на Црни едра имала мешани критики од критичарите. На Rotten Tomatoes сезоната има рејтинг од 65%, врз основа на 49 прегледи, со просечна оценка од 6,05/10. Консензусот на страницата гласи: „Црни едра може да се пофали со визуелна привлечност, но благите ликови на серијата не се доволно силни за да го спречат шоуто да биде влечено во неговите матни длабочини на бесцелно изложување“.[9] На Метакритик правата сезона има оценка 58 од 100, врз основа на 27 критичари, што укажува на „мешани или просечни критики“.[10]

Втората сезона има 100% рејтинг на Rotten Tomatoes, врз основа на 8 критики, со просечна оценка од 8,7/10.[11] Нил Гензлингер од Њујорк тајмс изјавил: „Старз ја знае формулата за овие тешки акциони драми од искуство со серии како Спартак и Камелот. А таа формула е изведена со посебна вештина во Црни едра, благодарение на некои силни изведби и на истражувањето на последиците од алчноста што може да излезе од современиот Волстрит“.[12]

  1. 1 2 Schwartz, Terri (January 10, 2014). „'Black Sails': 'Treasure Island' will hopefully connect, Season 2 being filmed - Zap2it - News & Features“. Zap2it. Архивирано од изворникот на February 26, 2015. Посетено на August 9, 2014.
  2. ↑ Todd Spangler: Starz to Release Michael Bay's 'Black Sails' Premiere Episode for Free on YouTube, iTunes, Amazon and More Архивирано на 15 ноември 2020 г.. Variety.com, January 13, 2014
  3. ↑ „Black Sails: Starz Series Starts January 25th“. TV Series Finale. November 20, 2013. Архивирано од изворникот на November 21, 2013. Посетено на November 21, 2013.
  4. ↑ Bibel, Sara (July 26, 2013). „'Black Sails' Renewed for Ten Episode Second Season by Starz Months Before Its Premiere – Updated“. TV by the Numbers. Архивирано од изворникот на July 28, 2013. Посетено на July 26, 2013.
  5. ↑ „Black Sails Renewed For Season 3 By Starz!“. Seriable. Архивирано од изворникот на August 10, 2015. Посетено на October 12, 2014.
  6. ↑ Rawden, Jessica (July 31, 2015). „Black Sails Has Been Renewed For Season 4 By Starz“. CinemaBlend. Gateway Media. Архивирано од изворникот на November 15, 2020. Посетено на 12 January 2017.
  7. ↑ Mitovich, Matt Webb (July 20, 2016). „Black Sails to End With Season 4“. TVLine. Архивирано од изворникот на November 15, 2020. Посетено на July 20, 2016.
  8. ↑ „Black Sails Season 4 Trailer from the New York Comic Con“. ComingSoon. October 7, 2016. Архивирано од изворникот на November 15, 2020. Посетено на October 8, 2016.
  9. ↑ „Black Sails: Season 1“. rottentomatoes.com. January 24, 2015. Архивирано од изворникот на November 15, 2020. Посетено на January 26, 2015.
  10. ↑ „Black Sails“. Metacritic. Архивирано од изворникот на December 24, 2017. Посетено на April 17, 2020.
  11. ↑ „Black Sails: Season 2“. rottentomatoes.com. January 24, 2015. Архивирано од изворникот на November 15, 2020. Посетено на April 17, 2020.
  12. ↑ Genzlinger, Neil (January 23, 2015). „In 'Black Sails' From Starz, Pirate's Booty Is at Stake“. The New York Times. ISSN 0362-4331. Архивирано од изворникот на July 6, 2018. Посетено на August 18, 2015.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Црни_едра_(ТВ-серија)&oldid=5437030“