Црна Црква (Ѓуземелци)

Црна Црква — археолошко наоѓалиште во светиниколското село Ѓуземелци. Наоѓалиштето претставува средновековна населба и некропола. На 150 м североисточно од селото, крај патот што води за селото Горобинци се наоѓаат урнатини од црква со димензии од 10 × 5 м, од која северниот и западниот ѕид се речиси во првобитната височина. На внатрешните површини на ѕидовите има остатоци од живопис. Пред влезот на црквата има поголем фрагмент од столб од камен песочник, а околу неа се гледаат контури од гробови од камени плочи со насоченост запад-исток.

Поврзано

• Голем Рид — населба од доцноантичкото време;
• Св. Ѓорѓи - Бела Црква — осамен наод од римското време;
• Ќерамидница — населба од неолитското и доцноантичкото време;
• Чифлик — средновековна населба;
• Ѓуземелци;
• Список на археолошки наоѓалишта во Светиниколско;
• Список на средновековни некрополи во Македонија.