Црква „Успение на Пресвета Богородица“ - Ѓавато

Од Википедија — слободната енциклопедија
Прејди на прегледникот Прејди на пребарувањето
Coat of arms of the Macedonian Orthodox Church.png
Macedonian cross.svg
Успение на Пресвета Богородица
Викиекспедиција Бојмија 176.jpg

Поглед на црквата

Македонска православна црква
Епархија Повардарска
Архијерејско намесништво Гевгелиско
Парохија Богданска
Местоположба
Координати 41°11′48.5″N 22°32′03.4″E / 41.196806° N; 22.534278° E / 41.196806; 22.534278Координати: 41°11′48.5″N 22°32′03.4″E / 41.196806° N; 22.534278° E / 41.196806; 22.534278
Населено место Ѓавато
Општина Богданци
Држава Македонија
Општи податоци
Покровител Пресвета Богородица
Изградба 1834
1893 (прво обновување)
после ПСВ (второ обновување)
Зограф Андон Китанов
Запалена 1913
Архитектонски опис
Архитектонски тип трикорабна базилика
Портал „МПЦ“

Успение на Пресвета Богородица — главна селска црква во богданското село Ѓавато.[1] Црквата е сместена на крајот од селото.

Историја[уреди | уреди извор]

Црквата е подигната во 1834 година, а обновена во 1893 година од страна на Андон Китанов. Пред почетокот на Првата светска војна, таа била опожарена, но ѕидовите биле сочувани. Подоцна, црквата била обновена.[2]

Архитектура[уреди | уреди извор]

Градбата на црквата е трикорабна, со дрвени тавани во трите кораби, при што средишниот кораб ги надвишува страничните. Храмот е долг околу единаесет метри и има покривна конструкција изградена на две води којашто е потпрена на два реда со дрвени столбови.[2] Кон јужната страна на црквата е доградена припрата којашто е затворена, а на источниот ѕид има мала полукружна апсида. Главниот влез е сместен на јужната страна и над влезната порта има ниша со фреска на којашто е прикажано Успението на Пресвета Богородица. Црквата не е живописана по обновувањето, но има иконостас изработен во поново време, составен од стари и нови икони. Старите икони потекнуваат од XIX век.[2]

Црквата има простран двор кој е ограден и во него се сместени селските гробишта.

Камбанаријата на црквата е сместена надвор од нејзиниот двор, на неколку стотина метри од главниот објект, на височинка која доминира над самото село. Таа има квадратна основа и е поделена на два дела. Во првиот дел е во основата и во него е сместена влезната врата, додека вториот дел е повисок и на секоја од неговите четири страни има по една монофора. Камбанаријата во целост е обоена во бела боја.

Галерија[уреди | уреди извор]

Поврзано[уреди | уреди извор]

Наводи[уреди | уреди извор]

  1. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
  2. 2,0 2,1 2,2 Цркви во Богданци“. Повардарска епархија.

Надворешни врски[уреди | уреди извор]