Црква „Св. Троица“ - Радовиш

Од Википедија — слободната енциклопедија
Прејди на: содржини, барај
Coat of arms of the Macedonian Orthodox Church.png
Macedonian cross.svg
Света Троица
Sv. Troica od Radoviš 20.JPG
Македонска православна црква
Епархија Брегалничка
Архијерејско намесништво Радовишко
Парохија Прва Радовишка
Местоположба
Населено место Радовиш
Општина Радовиш
Држава Македонија
Општи податоци
Покровител Света Троица
Изградба 29 април 1997 - 12 ноември 2003
Осветување 12 декември 2003
Ктитор Ристо Гуштеров
Архитектонски опис
Архитектонски тип еднокорабен
Површина 550 м²
Портал „МПЦ“
Олтарот на црквата Св. Троица
Подот на црквата, на којшто е претставен македонскиот антички симбол Ѕвездата од Кутлеш

„Светa Троица“ — соборна црква во Радовиш, на булеварот Александар Македонски. Осветена е во 2003 г., собира 600 верници и претставува еден од најубавите и најбогатите православни храмови на Балканот и пошироко.

Камен темелник е поставен на 29 април 1997 година, а осветена е на 12 октомври 2003 година, од Архиепископот Охридски и Македонски г.г. Стефан со сите архиереи на Македонската Православна Црква - Охридска Архиепископија. Ктитор е Ристо Гуштеров. Иконите на иконостасот се на Кал’чев од Гевгелија, а фрескоживописот е дело на светски познатите мајстори од Украина: Димитри Нагурни, Владимир Недајборч, Виктор Блинов, Јура Левченко, Владимир Цах, Владимир Бовхун, Лариса Мишченко, Ѓеорги Журавски. Резбата е на тајфата на Владимир од Галич, Украина. [1]

Изградбата на црква која чини неколку милиони евра е спонзорирана од бизнисменот кој потекнува од овој град Ристо Гуштеров.

Внатрешното сликање, мозаик врескупи и резба во период од 5 години го вршеа мајстори од Карпатите, голем број на сликари од Украина под раководство Ајндоли Кајдамака.

Црквата има елементи од сите македонски православни цркви, но и од цркви од Украина, Русија, Грција. Препознатливоста на стилот се состои во стилот на класичното и модерното црковно сликарство, а впечатлив е иконописот на Данчо Калчев. Во внатрешноста се застапени елементи од античка Македонија, ѕвездата од Кутлеш, лековите на Александар и Филип Македонски. Иконасот и столбовите се изработени од 24 каратно злато.[2]

Општи архитектонски карактеристики[уреди | уреди извор]

Соборниот храм Св. Троица во Радовиш по својата архитектонска концепција припаѓа на типот еднокорабни цркви со впишан крст и сводна куполна партија проектирана во византиски стил.

Зафаќа површина од 550 м², поставен на локација од 4000 м² на која има партерно уреден простор околу црквата, камбанарија, паркиралиште, фонтана, чешма и административен објект.

Црквата е висока 21 м, а камбанаријата 23,5 м. Главниот влез на црквата се наоѓа на западната страна, силно потенциран со отворен трем со колонада од четири столбови, на кои се носат три паралелни свода.

Целокупната фасадна обвивка е класична ѕидарија по примерот на старата градителска традиција со видливо присуство на второстепена пластика во архитектурата. На покривот на објектот за прв пат во Македонија е применета постапката на патинација на бакарот со употреба на соодветен хемиски премаз.

Композиција на објектот[уреди | уреди извор]

Просторот во правец запад-исток формира влезна партија (трем), скратен нортекс (простор под галеријата), наос (простор под куполата) и олтар преграден со иконостас кон наосот. Олтарот со источниот ѕид ја формира догматската програма на апсиди во правец север-југ (проскомедија, централна апсида и ѓаконикон).

Сите куполи во објектот се проектирани према византијскиот модел како совршена форма составена од калота, тамбур, сводови и пандантифи. На запад објектот завршува со карактеристичен своден кров, каде што под истиот архитектонски облик се формирани галеријата и нартексот.

Внатрешна композиција[уреди | уреди извор]

Сите внатрешни ѕидови, столбови, сводови и куполи се насликани со фрескопис согласно православните канони. Вкупниот живопис е на 1541 м² и позлата на површина од 44 м².

Подот е обложен со мермерни и гранитни плочи, орнаментиран со симболи и композиции кои имале силно влијание на Македонската земја.

Мноштвото мозаици пленуваат со својата убавина како во ентериерот, така и во екстериерот. Во мозаик е изработен подот под тремот, и над централниот портал. Над тремот изработена е композицијата Света Тројца, додека во лунетите над северниот и јужниот портал се прикажани ангели.

Иконостасот е со распон 22 метри и е составен од три дела, каде во централната зона иконостасот достигнува висина од 6,8 м. Изработен е од липово дрво со широка ажурна резба богата со мноштво детали и целосна позлата на царските врати. На иконостасот се поставени 25 големи и 18 помали икони согласно православните канони.

Стилскиот правец во ентериерната композиција (иконостас, владицки трон, столици, врати и орнаменти) е во нагласен барок карактеристичен за западната култура и традиција. Особено внимание во објектот привлекува композицијата на партерот во ентериерот и екстериерот со употреба на мермери, гранити, травертини и мозаици.

Камбанерија[уреди | уреди извор]

Покрај црквата како мошне значаен објект во целокупниот архитектонски ансамбл се истакнува камбанеријата со својата нагласена грандиозност и монументалност.

Камбанеријата е лоцирана на северниот дел во однос на храмот и претставува посебна армирано-бетонска конструкција. Фасадно е обложена со травертински камен, а на четирите страни во втората висинска зона се изработени мозаици на четирите Евангелисти. Покриена е со купола од армиран-бетон обложена со патиниран бакар каде е поставен позлатен крст, исто како и на петте куполи од храмот. Под куполата се поставени 3 камбани изработени специјално во Бергамо, Италија. Отворите на камбанеријата во третата висинска зона се орнаментирани со ковано железо.

Останати објекти[уреди | уреди извор]

Православниот храм Света Троица заедно со камбанеријата и крстилницата, како посебен сакрален објект, мозаичните мермерни патеки, зелените хортикултурни површини, црковната чешма, кандилабрите претставуваат една целовита духовна, архитектонска и уметничка целина.

Занимливо[уреди | уреди извор]

Првично насликаните Фрески на црквата беа избришени, за потоа да се насликат нови. Првото сликање чинеше 90 000 долари. [3]

Галерија[уреди | уреди извор]

Наводи[уреди | уреди извор]

Надворешни врски[уреди | уреди извор]