Црква „Св. Спиридон“ - Костур
| Свети Спиридон | |
|---|---|
| Αγίου Σπυρίδωνος | |
 Царската икона на Св. Архангел Михаил | |
 | |
| 40°31′13″N 21°16′16″E / 40.5203°N 21.2711°E | |
| Место | Костур |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Изградба | XV век |
| Управа | |
| Архијерејско намесништво | Костурско |
| Епархија | Костурска |
Свети Спиридон (грчки: Αγίου Σπυρίδωνος) — црква во градот Костур, Егејска Македонија. Влегува во состав на Костурската епархија на Цариградската патријаршија. Храмот е дел од парохијата „Пресвета Богородица Елеуса“.[1]
Историја
[уреди | уреди извор]Изградбата на храмот била во две фази – првата во втората половина на XV век, а втората е во 20-те години XX век.[2][3]
Внатрешност
[уреди | уреди извор]
Иконите од стариот храм се од слаб зограф кој не ја поседувал техниката од класичниот костурски период. По уривањето на стариот храм, дел од фреските биле пренесени во Костурскиот византиски музеј.[1] Откако градбата на соседната црква „Св. Варвара“ станала опасна во почетокот на XX век, големите икони на Пресвета Богородица, Св. Дамаскина и Св. Сава биле пренесени во оваа црква.[4] Иконостасот е мал, со квалитетна резба. Според положбата на иконата на светецот-заштитник, сместен покрај царската икона на Пресв. Богородица, иконостасот е најверојатно пренесен од црква посветена на Св. Јован Крстител. Под четирите царски икони на Св. Јован Крстител, Пресвета Богородица, Исус Христос и Архангел Михаил е резбано обезглавувањето на Св. Јован, како и сцени со ангели и цвеќиња.[3]
Фреските се од крајот на XV век, дело на водечкото ателје на Костурската школа од тој период, меѓу чии дела се вбројуваат живописите во „Св. Никола Еврпаксиин“ во Костур (1485/86), во манастирската црква „Св. Преображение“ во Метеора (1483), дел од фреските во „Успение на Пресв. Богородица“ на манастирот Трескавец (1483/84) и во „Св. Никита“ во Горњанскиот манастир (1483/84), како и фрагментите во црквата „Св. Петар и Павле“ во Либаново (1485).[5]
Наводи
[уреди | уреди извор]- 1 2 Δόικος, Νίκος & Γιάννης Σίσιου & Δημήτριος Τσουρτσούλας (1995). Καστοριανά Μνημεία: Μακεδονική Κληρονομιά. Χρωμογραφή. стр. 87.
- ↑ Συλλογικό (2013). Οι εκκλησίες της Καστοριάς, λήμμα στην: Μεγάλη Ορθόδοξη Χριστιανική Εγκυκλοπαίδεια, τ. 9 (грчки). «Στρατηγικές Εκδόσεις, Ιω. Φλώρος». стр. 491–494. ISBN 978-960-8094-82-6. Посетено на 24 март 2017. Text "langx" ignored (help); Занемарен непознатиот параметар
|hide=(help) - 1 2 Αλεξίου, Γιώργου Τ. (3 јануари 2018). „Tέμπλο του Τιμίου Προδρόμου (17ος αι.) στο ναό Αγίου Σπυρίδωνος Καστοριάς“. Φως της Καστοριάς. Посетено на 24 јули 2025.
- ↑ Τσαμίσης, Παντελής (1949). Η Καστοριά και τα μνημεία της. Αθήνα: Ι. Λ. Αλευρόπουλος. стр. 147.
- ↑ Кунева, Цвета. „Костур, църква „Св. Никола на монахинята Евпраксия"“. Пътища на балканските зографи. Посетено на 24 јули 2025.
Надворешни врски
[уреди | уреди извор]
Црква „Св. Спиридон“ - Костур на Ризницата ?
