Црква „Св. Петка“ - Рупишта
| Света Петка | |
|---|---|
| Αγίας Παρασκευής | |
 | |
| 40°27′9″N 21°15′27″E / 40.45250° СГШ; 21.25750° ИГД | |
| Место | Рупишта, Костурско |
| Земја | Егејска Македонија, Грција |
| Вероисповед | Цариградска патријаршија |
| Мреж. место | imk-agparaskeve.gr |
| Архитектура | |
| Завршена | 1931 |
| Управа | |
| Архијерејско намесништво | Рупишко |
| Епархија | Костурска |
„Света Петка“[1] (грчки: Αγίας Παρασκευής) — црква во градот Рупишта, Костурско, Егејска Македонија. Влегува во состав на Костурската епархија на Цариградската патријаршија и заедно со „Св. Нектариј“ е еден од двата парохиски храма во градот.[2]
Храмот во османлиско време бил џамија, позната како Џума џамија, една од четирите во тогашно Рупишта. Според преданието, пред османлиското освојување на нејзино место имало црква посветена на Света Петка. Откако била претворена во џамија, минарето постојатно паѓало сè додека во него не била вратена иконата на Света Петка и пред неа не било палено кандило.[1] Во дворот имало муслимански гробишта.[2]
Со иселувањето на муслиманското население во Турција, во 1925 г. џамијата е делумно урната и претворена во црква со поддршка од пратеникот Јоанис Захос. Камен-темелникот е удрен на 5 октомври 1925 г. од митрополитот Јоаким Костурски и храмот е осветен осветен на 6 септември 1931 г. од истиот владика. За време на митрополитот Доротеј Костурски во дворот е изграден голем духовен центар, подоцна обновен од градоначалникот Михаил Захос.[2]
Парохиски цркви[уреди | уреди извор]
Во парохијата на „Св. Петка“ влегуваат и следниве цркви:
- „Успение на пресв. Богородица“ — гробишна црква, изградена во 1859 г., урната во 1970 г. одновно изградена во 1974 г.;
- „Св. Никола“, изградена во 1885 г. врз остатоците од постар храм, опожарена во 1952 г. и обновена со помош од учителката Аглаја Кирјази;
- „Св. Илија“ — надворешна црква, изградена во 1969 г.;
- „Успение на пресв. Богородица“ во Лагор, изградена во 1860 г. врз остатоците од постар храм;
- „Св. Атанас“ во Семаси, изградена врз остатоците од постар храм;
- „Св. Ирина“ — кај полицијата;
- „Св. Варвара“ — на аеродромот;
- „Св. Богородица Фанеромени“ — на денешниот пазар, изградена во 1890 г. и урната во 1940 г.[2]
Поврзано[уреди | уреди извор]
Наводи[уреди | уреди извор]
- ↑ 1,0 1,1 Марков, Георги Христов (2002). Хрупищко (PDF). Хасково: Държавен архив - Хасково, Интерфейс. стр. 105. ISBN 954-90993-1-8.
- ↑ 2,0 2,1 2,2 2,3 „Ιστορικό του Ναού“. Ι.Ν.Αγίας Παρασκευής Άργους Ορεστικού. Архивирано од изворникот на 2022-05-02. Посетено на 24 август 2015.
Надворешни врски[уреди | уреди извор]
- Мрежно место на црквата Архивирано на 16 јануари 2014 г. (грчки)