Црква „Св. Петка“ - Прдејци

Местоположба
Света Петка

Поглед на црквата
македонска православна црква
Епархија	Повардарска
Архијерејско намесништво	Гевгелиско
Парохија	Негорска

Координати	41°12′23.9″N 22°30′01.2″E / 41.206639°N 22.500333°E / 41.206639; 22.500333
Место	Прдејци
Општина	Гевгелија
Држава	Македонија
Општи податоци
Покровител	Света Петка
Изградба	1861
Архитектонски опис
Архит. тип	трикорабна

Света Петка — главна селска црква во гевгелиското село Прдејци.

Местоположба

Црквата се наоѓа во јужниот дел од селото.

Историја

Црквата е изградена во 1861 година, што е забележливо од натписот над влезната врата која се наоѓа на јужната страна на црквата, а нејзин градител бил познатиот неимар, резбар и зограф Андон Китанов.^[1]

Архитектура

Градбата на црквата е трикорабна, со дрвени тавани, при што средишниот кораб се извишува над двата странични кораба. Средишниот кораб е ишаран, во средината има квадратни полиња и на него е насликано македонското шеснаесеткрако сонце. Покривната конструкција е изградена на две води и е потпрена на шест столбови во два реда на северниот и јужниот дел од наосот.^[1] Кон јужната и западната страна на црквата е доградена припрата, којашто во денешниот изглед на црквата е затворена.

Во дворот на црквата се наоѓаат камбанаријата и селските гробишта. Камбанаријата е прилепена до северозападниот дел од црквата. Таа има четириаголна основа и е покриена со пирамидален кров од ќерамиди. Во горниот дел на секоја од нејзините четири страни има по една монофора.

Фрескоживопис

Внатрешноста на црквата не е живописана.^[1]

Икони и иконостас

Иконостасот се состои од икони распоредени во три реда. Царските двери се работени во резба од копаничар од дружината на Андон Китанов. Дел од иконите се изработени во 1862 година од страна на зографот Константин, а дел за кој има запис на долниот дел на јужната врата од страна на зографот Димо од Папрадиште.^[1]