Црква „Св. Никола“ - Топлица

Местоположба
Свети Никола

Фреска од црквата
македонска православна црква
Епархија	Преспанско-пелагониска
Архијерејско намесништво	Прилепско
Парохија	Плетварско-беловодичка

Координати	41°24′4.7″N 21°44′29.1″E / 41.401306°N 21.741417°E / 41.401306; 21.741417
Место	Топлица
Општина	Прилеп
Држава	Македонија
Општи податоци
Покровител	Свети Никола
Завршено	1860
Живопис	1860
Архитектонски опис
Архит. тип	трикорабен
Стил	преродбенички

Св. Никола — црква во прилепското село Топлица, претставник на Македонската преродба. Му припаѓа на Прилепското архијерејско намесништво во Преспанско-пелагониската епархија на МПЦ - ОА.

Црквата е подигната и живописана во 1860 година. Има убав иконостас од времето на преродбата. Живописци се Ангелко и Велјан Андонови од Папрадиште. Претставува трикорабна градба со полукружна апсида на источната страна. Црквата е обновена во 1892 година, кога на западната страна е дограден трем.^[1]

Антички сполии

Во црквата има наоди од римско време. Во олтарот на црквата како чесна трпеза служи мермерна ара (олтар) која на челната страна има три бисти и коњаник претставени во плиток релјеф. Во припратата како основа на столб е поставена надгробна стела од бел мермер со едикула во која има 4 фигури обработени исто така во плиток релјеф. Покрај нив има фрагмент од уште една стела на која во едикулата оддесно налево се гледаат две фигури без глави, во стоечка положба, и трета зачувана во долниот дел. Под фигурите има поле со старогрчки натпис во 5 реда.^[2]