Црква „Св. Никола“ - Раковец

Од Википедија — слободната енциклопедија
Coat of arms of the Macedonian Orthodox Church.png
Macedonian cross.svg
Свети Никола
Saint Nicholas Church in Rakovec Fresco.png

Исус Христос во проскомидиската ниша

македонска православна црква
Епархија Повардарска
Архијерејско намесништво Велешко
Парохија Чашкарска
Местоположба

Координати 41°39′48″N 21°39′48″E / 41.66333° СГШ; 21.66333° ИГД / 41.66333; 21.66333Координати: 41°39′48″N 21°39′48″E / 41.66333° СГШ; 21.66333° ИГД / 41.66333; 21.66333
Место Раковец
Општина Велес
Држава Македонија
Општи податоци
Покровител Свети Никола
Изградба XVII век
Архитектонски опис

Св. Николаправославна црква во велешкото село Раковец, Општина Чашка, претставник на Македонската преродба. Му припаѓа на Велешкото архијерејско намесништво во Повардарската епархија на МПЦ - ОА.

Архитектура[уреди | уреди извор]

Црквата е изградена во XVII век во центарот на селото. Ова е еднокорабен храм со полукружна апсида на исток и дограден затворен трем на западната страна. Засводена е со полукружен свод. Влезот е од запад.[1] Светлината влегува низ едно прозорско окно на северниот ѕид и низ друго на источната страна над апсидата. Градена е од кршен камен. Храмот е наполно малтерисан, а покривот е со сменети ќерамиди.[2]

Живопис[уреди | уреди извор]

Натписот на северниот ѕид вели дека храмот е реновиран во 1974 г. Тогаш невештиот зограф Миле Ристовски од Прилеп го прецртал изворниот живопис од XVII век. Според проучувањата направени во 1972 г. од екипа на Националниот конзерваторски центар, оригинални фрески од XVII век имало во апсидата — Богородица Ширшаја небес и Свети Василиј Велики, а во проскомидиалната ниша е Исус Христос.[2]

Иконите од дворедниот иконостас се од 1884 г. и се дело на прочуениот зограф Димитар Андонов Папрадишки, за што сведочи наговиот потпис на престолната икона на Свети Никола: „отъ руки Димо зуграфъ отъ Папрадища 1884 декември 22“.[2][3] Иконата на Исус Христос исто така е од 1884 г.[4]

Поврзано[уреди | уреди извор]

Наводи[уреди | уреди извор]

  1. Николовски, Дарко (2017). „Прилог кон проучувањата на поствизантиската уметност во Општина Чашка, Велешко“ (PDF). Патримониум. Скопје: КАЛАМУС. Χ (15): 278.
  2. 2,0 2,1 2,2 Николовски, Дарко (2017). „Прилог кон проучувањата на поствизантиската уметност во Општина Чашка, Велешко“ (PDF). Патримониум. Скопје: КАЛАМУС. Χ (15): 279.
  3. Николовски, Дарко (2013). „Резултати од валоризацијата на црквите во селата Богомила и Бистрица во областа Азот, Велешко“ (PDF). Патримониум. Скопје: КАЛАМУС. VI (11): 188.
  4. Николовски, Дарко (2020). Фото архива на Антоние Николовски за Македонските зографи од крајот на XIX и почетокот на XX век: (Андонов, Зографски и Ванѓеловиќ) (PDF). Скопје: Едиција Културно наследство, Министерство за култура на Р. С. Македонија. стр. 47.