Црква „Св. Никола“ - Павлешенци

Местоположба
Свети Никола

Поглед на црквата
македонска православна црква
Епархија	Кумановско-осоговска
Архијерејско намесништво	Кумановско-кратовско
Парохија	Клечовска

Координати	41°59′55.2″N 21°54′06.5″E / 41.998667° СГШ; 21.901806° ИГД / 41.998667; 21.901806
Место	Павлешенци
Општина	Свети Николе
Држава	Македонија
Општи податоци
Покровител	Свети Никола
Завршено	1874
Архитектонски опис

Свети Никола — главна селска црква во селото Павлешенци.^[1] Сместена е во јужниот дел од селото.

Историја[уреди | уреди извор]

Според расположливите податоци, црквата била обновена во 1874 година, кога била и проширена.^[2]

Во 1901 година, со средства од селаните е купена камбанарија од леарницата во Прилеп за 24 златни турски лири. Подоцна, во дворот на црквата е подигната зграда со две простории. За време на турскиот период, особено пред и по Илинденското востание, таму се одржувала обуката на четата од Павлешенци. По 1913 година, во неа било сместено седиштето на Павлешенската општина.

Архитектура[уреди | уреди извор]

Градбата на црквата има правоаголна основа со многуаголна апсида на источната страна, која е украсена со три слепи ниши. Кон западната страна на црквата е доградена припрата којашто е пониска од главниот дел на храмот. Над спојот на припатата со главниот дел се издига лимена купола со осумаголна основа. Црквата има главен влез на западната и спореден влез на јужната страна. Над главниот влез има ниша со фреска на Свети Никола, а од десната страна на влезната врата има мозаик со неговиот лик. Објектот во целост е обоен во боја, со исклучок на апсидата каде што се забележува варовник и малтер, и е покриен со кров од ќерамиди.

Црквата е оградена со камена ограда, а во нејзиниот двор се сместени камбанаријата и помошен објект. Камбанаријата е со квадратна основа и се состои од два дела. На секоја страна од горниот дел има по еден отвор. Покриена е со пирамидален лимен кров.

Галерија[уреди | уреди извор]

Влезната порта од дворот на црквата
Поглед на црквата
Главниот влез
Споредниот влез
Апсидата
Камбанаријата
Помошниот објект
Икона на Св. Јован Крстител во црквата

Поврзано[уреди | уреди извор]

Наводи[уреди | уреди извор]

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 56. ISBN 978-608-65143-2-7.
↑ Трифуноски, Јован (1964). Овчепољска Котлина. Загреб: Југословенска академија на науките и уметностите. стр. 682.

Надворешни врски[уреди | уреди извор]

Црква „Св. Никола“ - Павлешенци на Ризницата ^?

[1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 56. ISBN 978-608-65143-2-7.

[:0-2] Трифуноски, Јован (1964). Овчепољска Котлина. Загреб: Југословенска академија на науките и уметностите. стр. 682.

[1]

[2]