Црква „Св. Димитриј“ - Кованец

Од Википедија — слободната енциклопедија
Прејди на прегледникот Прејди на пребарувањето
Coat of arms of the Macedonian Orthodox Church.png
Macedonian cross.svg
Свети Димитриј
Викиекспедиција Бојмија 081.jpg

Поглед на јужната страна на црквата

Македонска православна црква
Епархија Повардарска
Архијерејско намесништво Гевгелиско
Парохија Негорска
Местоположба
Координати 41°13′22.3″N 22°25′02.5″E / 41.222861° СГШ; 22.417361° ИГД / 41.222861; 22.417361Координати: 41°13′22.3″N 22°25′02.5″E / 41.222861° СГШ; 22.417361° ИГД / 41.222861; 22.417361
Населено место Кованец
Општина Гевгелија
Држава Македонија
Општи податоци
Покровител Свети Димитриј Солунски
Изградба околу 1860
Архитектонски опис
Архитектонски тип трикорабна
Портал „МПЦ“

Свети Димитриј — главна селска црква во гевгелиското село Кованец. Црквата се наоѓа на неколку стотина метри пред селото, непосредно на левата страна од патот кој води од селото Негорци.

Историја[уреди | уреди извор]

Црквата е изградена во 1860 година, а била обновена во 1907 година. Нејзин градител е познатиот неимар, резбар и зограф Андон Китанов.[1]

Архитектура[уреди | уреди извор]

Градбата на црквата е трикорабна, со рамни и обоени тавани во горните партии. Покривната конструкција е изградена на две води и е потпрена на шест столбови во два реда.[1] Кон јужната и западната страна на црквата е доградена припрата. Влезната порта на црквата е сместена на јужната страна, а над неа има ниша со полукружна фреска на којашто е претставен ликот на Свети Димитриј и околу којашто е запишано името на светецот. На источната страна од црквата има полукружна апсида со правоаголен отвор во средишниот дел. Камбанаријата на црквата е со квадратна основа и се издига над кровот.

Внатрешноста на црквата е зографисана, а фрескоживописот е од XIX век. Во текот на XIX биле изработени и иконите, како и царските двери. Иконостасот е изработен од дрво и делумно е украсен со убава резба. Царските двери се изработени од страна на мајстор од дружината на Андон Китанов.[1]

Во дворот на црквата се сместени и селските гробишта.

Галерија[уреди | уреди извор]

Поврзано[уреди | уреди извор]

Наводи[уреди | уреди извор]

Надворешни врски[уреди | уреди извор]