Црква „Св. Димитриј“ - Додулари
| Свети Димитриј | |
|---|---|
| Αγίου Δημητρίου | |
 Црковнословенски натпис од црквата, 1873 г. | |
 | |
| 40°41′18″N 22°51′52″E / 40.68833° СГШ; 22.86444° ИГД | |
| Место | Додулари, Солунско |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Културнонаследна категорија | споменик на културата |
| Архит. тип | трикорабна базилика |
| Завршена | 1853 |
| Управа | |
| Епархија | Неаполско-ставруполска |
Свети Димитриј (грчки: Αγίου Δημητρίου) — црква во селото Додулари, Солунско, Егејска Македонија. Влегува во состав на Неаполско-ставруполската епархија на Цариградската патријаршија.[1]
Црквата е типична трикорабна базилика во поствизантиски стил.[1] Изградена е во 1853 година според зачуваниот црковнословенски натпис од 1873 г.[1] Според истиот натпис, црквата станала егзархиска и во неа почнало да се пее на македонски на 11 септември 1873 г. Натписот гласи:
| „ | Обновисѧ ст храмъ сей въ лѣто 1853/10-вр 14. Напис. чрѣсъ уч. Т. П. П. И обрѣтохме нашъ матернїй ѩазыкъ въ лѣто 1873 септ. 11-й
Овој свет храм се обнови на 14 октомври 1853 г. Се напиша преку учителот Т. П. П. [Тено Панајотов] И отпочнавме на наш мајчин јазик на 11 септември 1873 г. |
“ |
И покрај строгоста и простотата на употребените материјали, храмот претставува еден од највпечатливите споменици на духовната архитектура во Солунско. Има нартекс и женска црква над него, дрвени икони, убав иконостас, фрески во апсидата, вредни насликани владички престол и амвон, како и икони на Димитриос Хаѕистаматис од погрченото солунско село Кулакија.[1] Во црквата има вкупно 90 вредни икони кои ги одразуваат ликовните тенденции на македонската црковна уметност во последниот период на османлиското владеење. Иконостасот и амвонот се изведени со исклучителен квалитет. Фреските се ретки за својот период, не придржувајќи се кон ниедна иконографска програма и очигледно изработени во различни периоди од различни месни творци. Невообичаено е тоа што се претставени околу седумдесет апостоли во горното подрачје на средишната патека.[2]
Црквата е прогласена за заштитен споменик на 4 февруари 1985 г.[1]
Поврзано[уреди | уреди извор]
Наводи[уреди | уреди извор]
- ↑ 1,0 1,1 1,2 1,3 1,4 „ΥΑ ΥΠΠΕ/Β1/Φ34/67500/1506/9-1-1985 - ΦΕΚ 61/Β/4-2-1985“. Διαρκής κατάλογος κηρυγμένων αρχαιολογικών τόπων και μνημείων. Архивирано од изворникот на 2021-09-19. Посетено на 15 октомври 2014.
- ↑ „Άγιος Δημήτριος Διαβατών“. Corect. Посетено на 16 октомври 2014.[мртва врска]