Црква „Св. Димитриј“ - Буково
  Свети Димитриј | |
Поглед на црквата | |
| македонска православна црква | |
| Епархија | Преспанско-пелагониска |
| Архијерејско намесништво | Битолско |
| Парохија | Буковска |
| Местоположба | |
|---|---|
|
| |
| Координати | 40°59′37″N 21°19′54″E / 40.99361°N 21.33167°E |
| Место | Буково |
| Општина | Битола |
| Држава | Македонија |
| Општи податоци | |
| Покровител | Свети Димитар |
| Изградба | XIX век |
| Завршено | 1882 |
| Архитектонски опис | |
| Архит. тип | трикорабна базилика |
Свети Димитриј — главна селска црква во битолското село Буково, Македонија.[1]
Црквата претставува парохиско седиште на Буковската парохија.[2][3]
Местоположба
[уреди | уреди извор]Црквата е средишниот храм на селото, сместен во непосредна близина на основното училиште.
Историја
[уреди | уреди извор]Црквата била изградена во 1882 година на местото на руини од стара црква.[4]
Архитектура
[уреди | уреди извор]Градбата претставува трикорабна базилика, архитектонски тип популарен по 1830-тите години. На источната страна има тристрана апсида, а на запад се издига црковната камбанарија. По должината на јужната фасада има припрата со помошни простории. Внатрешноста на градбата е поделена со два реда од по четири столбови, кои во горниот дел се лачно поврзани. На запад со ниска преграда издвоен е наосот од нартексот. Занимливост за оваа црква е што има катна галерија само над јужниот кораб на црквата, што е реткост.[3]
Икони и иконостас
[уреди | уреди извор]Во црквата зачувани се украси од постара црква, мала колекција на икони и царски двери од четвртото десетлетие на XVII век. На царските двери има старословенски натпис „Благовѣщенїі Богородице“.[2] Царските двери веројатно се од стар иконостас од соседниот Буковски манастир или некоја постара црква во селото.[5] Меѓу иконите од XVII век има две престолни. На едната, на Свети Меркуриј, има словенски натпис ЗРМД (1635/1636). Другата е на Свети Архангел Михаил која иконографски и стилски е слична со иконата од Слепченскиот манастир, која денес се наоѓа во Музејот на Македонија во Скопје.[5] Иконите од XVII век и царските двери веројатно се дело на мајстори од Линотопската уметничка школа.[6]
Фрескоживопис
[уреди | уреди извор]Ѕидно сликарство постои во полукружните конхи од централната апсида и во протезисот. Според стилските одлики ѕидното сликарство соодвествува со еден дел од иконите на иконостасот кои се датирани кон крајот на XIX век. Иконостасот во црквата е конструиран со два реда на икони и според испишаните натписи врз нив, тие се изработени во текот на 1895, 1896 и 1907 година. Од истиот зограф најверојатно се насликани и иконите на амвонот, на еден од северните столбови од наосот.[3]
Детаљ од царските двери, околу 1635 година
Икона на Архангел Михаил, II половина на XVII век
Царските двери во црквата, околу 1635 година.
Галерија
[уреди | уреди извор]
Западната страна
Камбанаријата
Влезот во припратата
Годината 1895 испишана на ѕид на црквата
Црковниот двор
Поглед на црквата
Поглед на црквата
Празна ниша над споредниот влез
Споредниот влез
Влезот во камбанаријата
Апсидата
Базен за верски обреди
Влезната порта
Помошниот објект
Дворот со црквата
Камбанаријата
Поглед на влезот
Камбанаријата со училиштето во позадина
.jpg)
.jpg)
.jpg)
Поврзано
[уреди | уреди извор]Наводи
[уреди | уреди извор]- ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
- 1 2 Палигора, Ристо (2013). Неколку царски двери од ХVІ и ХVІІ век во регионите на Пелагониjа и Преспа, во: Прилози ХLІV 1-2, посветени на академик Цветан Грозданов по повод 50 години научноистражувачка деjност. Зборник на трудови од научниот собир одржан на 4 октомври 2012 година во Охрид. Скопје. стр. 159.
- 1 2 3 Палигора, Ристо (декември 2011). Студија за поврзување и промоција на манстирскиот туризам на Баба Планина (PDF). Битола: Центар за развој на Пелагонискиот плански регион. стр. 41. Архивирано од изворникот (PDF) на 2013-12-28. Посетено на 2021-08-09.
- ↑ Трифуноски, Јован (1998). Bitoljsko-Prilepska kotlina : antropogeografska proučavanja. Белград: Српска академија на науките и уметностите. стр. 219. ISBN 8670252678. OCLC 41961345.
- 1 2 Палигора, Ристо (2013). Неколку царски двери од ХVІ и ХVІІ век во регионите на Пелагониjа и Преспа, во: Прилози ХLІV 1-2, посветени на академик Цветан Грозданов по повод 50 години научноистражувачка деjност. Зборник на трудови од научниот собир одржан на 4 октомври 2012 година во Охрид. Скопје. стр. 160.
- ↑ Палигора, Ристо (2013). Неколку царски двери од ХVІ и ХVІІ век во регионите на Пелагониjа и Преспа, во: Прилози ХLІV 1-2, посветени на академик Цветан Грозданов по повод 50 години научноистражувачка деjност. Зборник на трудови од научниот собир одржан на 4 октомври 2012 година во Охрид. Скопје. стр. 163–164.
Надворешни врски
[уреди | уреди извор]
Црква „Св. Димитриј“ - Буково на Ризницата ?
