Црква „Св. Димитриј“ - Будимирци

Местоположба
Свети Димитриј

Поглед на црквата
македонска православна црква
Епархија	Преспанско-пелагониска
Архијерејско намесништво	Битолско
Парохија	Старавинска

Координати	41°02′13.7″N 21°44′33.9″E / 41.037139° СГШ; 21.742750° ИГД / 41.037139; 21.742750
Место	Будимирци
Општина	Новаци
Држава	Македонија
Општи податоци
Покровител	Свети Димитрија Солунски
Завршено	1860 2000 (обновена)
Архитектонски опис
Архит. тип	еднокорабна

Свети Димитриј – манастирска црква на Трновскиот манастир, Македонија.

Историја[уреди | уреди извор]

Црквата била изградена во 1860 година, но била разрушена во 1918 година, па била обновена во 2000 година.^[1]

Во внатрешноста на црквата се наоѓа фотографија на Стојанка Ајдерова, која била иницијатор за изградба на црквата.

Архитектура[уреди | уреди извор]

Градбата на црквата е мала еднокорабна со четириаголна основа и полукружна апсида на источната страна. Влезот е сместен на западната страна, а непосредно над влезната врата има вдлабнат крст.^[2] Над крстот има ниша во којашто се наоѓаат две помали икони во лоша состојба, од кои на едната е насликан Свети Димитриј како јава коњ, а на другата е прикажана Богородица со Исус. Црквата е еднокорабна. Внатрешноста на црквата не е зографисана, но изобилува со бројни икони и слики закачени по ѕидовите. Иконостасот содржи два реда со икони над ѓаконовите порти и царските двери.

Камбанаријата на црквата е со квадратна основа и се состои од два дела. Долниот дел има нешто поголема основа и на неговата јужна страна е сместен влезот. Горниот дел е подолг и во висина на ѕвоното има по една отворена монофора на секоја страна.