Црква „Св. Димитриј“ - Ахил

Од Википедија — слободната енциклопедија
Свети Димитриј
Αγίου Δημητρίου
Остатоците од црквата
Карта
40°46′53″N 21°5′3″E / 40.78139° СГШ; 21.08417° ИГД / 40.78139; 21.08417Координати: 40°46′53″N 21°5′3″E / 40.78139° СГШ; 21.08417° ИГД / 40.78139; 21.08417
МестоАхил, Преспанско
ЗемјаЕгејска Македонија, Грција
ВероисповедЦариградска патријаршија
Архитектура
Културнонаследна категоријаспоменик на културата
ЗавршенаXIV век
Управа
Архијерејско намесништвоПреспанско
ЕпархијаЛеринско-преспанско-еордејска

Свети Димитриј (грчки: Αγίου Δημητρίου) — средновековна црква на преспанскиот остров Свети Ахил, Егејска Македонија. Влегува во состав на Леринско-преспанско-еордејската епархија на Цариградската патријаршија. Изворно ѝ припаѓала на Охридската архиепископија.[1]

Црквата е изградена во XIV век, но денес е во урнатини. Сместена е во западниот дел на островот.[2] Зачувани се само дел од апсидата и јужниот ѕид од овој мал храм. Ѕидовите се направени од месен камен и малтер, подоцна уништен од суровите климатски услови кога престанал да се одржува.[1] Црквата е насликана со вреден фрескопис. При посетета во 1990 г. Стилијанос Пелеканидис наишол на сцената „Поклонение на Агнецот“, со два херувима и два архијереја од левата и десната страна. Денес е зачуван само мал дел од сцената еден херувим и еден јерарх, изложени во Леринскиот археолошки музеј. Живописот датира од XIV век.[1][3]

Во 1962 г. црквата е прогласена за споменик на културата.[4]

Поврзано[уреди | уреди извор]

Наводи[уреди | уреди извор]

  1. 1,0 1,1 1,2 „Άγιος Δημήτριος – Άγιος Αχίλλειος“. Ιερά Μητρόπολη Φλωρίνης, Πρεσπών και Εορδαίας. Посетено на 1 јануари 2016.[мртва врска]
  2. „Φλώρινα Γαία Ελλήνων Μακεδόνων“. Посетено на 1 јануари 2016.
  3. Evyenidou, Despina. Ioannis Kanonidis, Thanasis Papazotos. The Monuments of Prespa, Archaeological Receipts Fund, 1991, стр. 49
  4. „ΥΑ 15813/19-12-1961 - ΦΕΚ 36/Β/3-2-1962“. Διαρκής κατάλογος κηρυγμένων αρχαιολογικών τόπων και μνημείων. Архивирано од изворникот на 2021-10-28. Посетено на 20 јули 2020.