Црква „Св. Богородица“ - Теарце

Од Википедија — слободната енциклопедија
Прејди на прегледникот Прејди на пребарувањето
Coat of arms of the Macedonian Orthodox Church.png
Macedonian cross.svg
Света Богородица - Ќелије
Македонска православна црква
Епархија Полошко-кумановска
Архијерејско намесништво Тетовско
Парохија Теаречка
Местоположба
Населено место Теарце
Општина Теарце
Држава Македонија
Општи податоци
Изградба 1618-1622 (старата)
1975 (новата)
Архитектонски опис
Портал „МПЦ“

Света Богородица попозната како Богородица Ќелије е црква посветена на Успението на Пресвета Богородица во тетовското село Теарце. Црквата се наоѓа над селото во местото викано Ќелија (Ќелије) - Градиште. Според сочуваните ѕидини и преданието тука се наоѓала старата црква Св. Богородица која сега е во урнатини . По ова предание археологот Блага Алексова во 1954 година извршила археолошко истражување и открила дека црквата е еднокорабна. Од пронајдената мермерна плоча во 1975 година се дознало дека црквата е изградена во периодот помеѓу 1618-1622 година. Жителите на село Теарце во 1975 година врз дел од темелите на старата црква, изградиле мала црквичка и до денешен ден во чест на празникот Голема Богородица на 27 и 28 август приредуваат вечера за присутните гости кои што доаѓаат од околните села на Полог и иселените теарчани од САД, Австралија и Европа.[1]

Историја[уреди | уреди извор]

Според досега пронајдените артефакти и според градбите околу црквата на таа местност се наоѓала средновековна населба од словенскиот период. На местото Ќелие кое се наоѓа на еден километар одалечено од селото до 70те години на 20 век биле забележливи темели од некогашна црква посветена на „Успение на Пресвета Богородица“.На иницијатива на жителите од истото село во 1975 година се започнало со изградба на истоимената црква. При ископувањето на темелите пронајден е камен натпис кој гласи:

„Во имја Оца и Сина и Свјатаго Духа.Разумејте христијани мога како се потруди,аз грешни Илија,помени Господи свештеника.Еле имаше чин па беше нишчи...(калуѓер) и убоги од много...Бога ради Пречисти Его Матер беше до конца...уште по и сврши...Во нужно (турско) време при царја Османа б тоа време отиде војска на Лех,беше велико зло.. брат от света потруди пак и е соградимо. Ру Ули Ана-Митрополит Илија".

Денес каменот се наоѓа во Заводот за културно-историски споменици на Македонија.

Наводи[уреди | уреди извор]