Црква „Св. Атанасиј Велики“ - Неготино

Од Википедија — слободната енциклопедија
Прејди на прегледникот Прејди на пребарувањето
Coat of arms of the Macedonian Orthodox Church.png
Macedonian cross.svg
Свети Атанасиј Велики
Црквата „Св. Атанасиј Велики“ во Неготино 2.JPG

Поглед на црквата „Св. Атанасиј Велики“ во Неготино

Македонска православна црква
Епархија Повардарска
Архијерејско намесништво Кавадаречко
Парохија Неготинска
Местоположба
Населено место Неготино
Општина Неготино
Држава Македонија
Општи податоци
Покровител Свети Атанасиј
Изградба 1837
Мрежно место Св. Атанасиј
Архитектонски опис
Портал „МПЦ“

Црква „Св. Атанасиј Велики“ - Неготино — единствена црква во градот Неготино. Оваа градска црква претставува соборен храм за целата Неготинска парохија. Се наоѓа во близина на средиштето на градот, до кејот на Тимјаничка Река.

Историја[уреди | уреди извор]

Црквата е изградена во почетокот на XIX век, односно во 1837 година.

За време на Втората светска војна, од страна на бугарскиот окупатор, самиот стар живопис во рамките на црквата бил премачкан со вар и врз него бил насликан нов живопис, но со многу послаб квалитет од претходниот. Целта на ваквиот потег на окупаторот била побрза асимилација на месното население на Неготино.

Во 2015 година започнале градежни зафати во и околу црквата. Бил обновен внатрешниот дел на црквата, каде биле сменети прозорците и била обновена фасадата на црквата, а во текот на годината се продолжило со цртање на фреските. Воедно, било најавено и поставување на нов иконостас, кој веќе се изработувал.[1] За време на обновата на црквата и за време на поставување на новите фрески и иконостас, дел од иконите на црквата биле сместени во стаклената просторија пред официјалниот влез на самата црква.

Работите во црквата за најновата обнова, прва таква после 30 години, биле финансирани од страна на Повардарската епархија, донации од фирми и граѓани. Фреските ги сликаат тајфата Александарски од Велес.[1]

Во текот на февруари 2015 година, во црквата била извршена кражба, при што биле украдени 50.000 денари. Кражбата била изведена со кршење на влезната врата, а касата била отворена со помош на бормашина.[2]

Галерија[уреди | уреди извор]

Поврзано[уреди | уреди извор]

Наводи[уреди | уреди извор]

  1. 1,0 1,1 "Се реновирана црквата „Св.Атанасиј" во Неготино". Скопје: Сител Телевизија. 23 јануари 2015. Посетено на 15 април 2015.
  2. "Од црква во Неготино украдени 50 илјади денари". Скопје: Телеграф. 24 февруари 2015. Посетено на 15 април 2015.

Надворешни врски[уреди | уреди извор]

Координати: 41°29′36″N 22°6′28″E / 41.49333° N; 22.10778° E / 41.49333; 22.10778